తెలంగాణ(Telangana)లో మరో ఐదు రోజుల పాటు భారీ వర్షాలు(Heavy Rains) కురిసే అవకాశం ఉందని హైదరాబాద్ వాతావరణ శాఖ(Hyderabad Weather Department) వెల్లడించింది. శనివారం పశ్చిమ మధ్య, వాయువ్య బంగాళాఖాతంలో ఆవర్తనం ఏర్పడిందని అధికారులు తెలిపారు. ఆవర్తనం ఒడిశా(Odisha) పరిసరాల్లో సగటు సముద్ర మట్టం నుంచి 3.1 కిలోమీటర్ల ఎత్తులో కొనసాగుతున్నట్లు వాతావరణ శాఖ అధికారులు వెల్లడించారు. నేడు 5.8 కిలోమీటర్ల ఎత్తులో ఆవర్తం కొనసాగుతుండటం వల్ల తెలంగాణ వ్యాప్తంగా తేలికపాటి నుంచి మోస్తారు వర్షాలు కురుస్తాయని పేర్కొన్నారు.
చదవండి: Video Viral: ఆ ఆలయంలో నీళ్లు తాగుతున్న నంది..!
జూలై 25, 26వ తేదీల్లో తెలంగాణ(Telangana) వ్యాప్తంగా భారీ నుంచి అతి భారీ వర్షాలు(Heavy Rains) కురుస్తాయని, పలు జిల్లాలకు వాతావరణ శాఖ ఆరెంజ్ అలెర్ట్(Orange Alert) జారీ చేసింది. మరికొన్ని ప్రాంతాల్లో ఉరుములు, మెరుపులతో కూడిన వర్షాలు కురిసే అవకాశం ఉందని, ఈదురగాలులు కూడా వీస్తాయని హైదరాబాద్ వాతావరణ శాఖ(Hyderabad Weather Department) తెలిపింది. విద్యార్థులు, వృద్ధులు జాగ్రత్తగా ఉండాలని సూచించింది.
చదవండి: Telangana:లో కలుషిత నీటితో 1.12 లక్షల కేసులు
ఈదురుగాలులు గంటకు 40 నుంచి 50 కిలో మీటర్ల వేగంతో గాలులు వీచే అవకాశం ఉందని, ప్రజలు అప్రమత్తంగా ఉండాలని, అవసరం అయితేనే ఇంటి నుంచి బయటకు రావాలని వాతావరణ శాఖ వెల్లడించింది. గత కొన్ని రోజులుగా రాష్ట్ర వ్యాప్తంగా వర్షాలు కురుస్తున్నాయి. దీని వల్ల వరదలు వ్యాపించడంతో వాహనదారులు తీవ్ర ఇబ్బంది పడ్డారు. ప్రభుత్వం కూడా విద్యార్థులకు మూడు రోజుల పాటు సెలవులను ఇచ్చింది. మరోమారు వర్షాలు అతి భారీగా కురిసే అవకాశం ఉండటంతో తెలంగాణ సర్కార్ సెలవులను పొడిగించే అవకాశం ఉంది.
