తెలంగాణ(telangana)లో కలుషిత నీటి(water) కారణంగా అనేక మంది పలు రకాల వ్యాధుల బారిన పడుతున్నట్లు సంచలన విషయం వెలుగులోకి వచ్చింది. ఈ ఏడాది జనవరి నుంచి జులై 19 వరకు(ఆరు నెలల్లోనే) రాష్ట్రంలో 1.12 లక్షల మంది వాంతులు, విరేచనాలతో ఇబ్బందులు పడుతున్నట్లు గణాంకాలు చెబుతున్నాయి. మరోవైపు మరికొంత మంది మృత్యువాత కూడా చెందారని తెలుస్తోంది. అంటే ఆ నీరు తాగడం ఎంత డేంజర్ అనేది ప్రజలు ఆలోచించుకోవాలి. దీంతోపాటు రాష్ట్రంలో డెంగీ కేసులు కూడా 50 శాతం పెరిగాయని వైద్యాధికారులు చెబుతున్నారు. అయితే ప్రాంతాల వారీగా ఈ వ్యాధుల సంఖ్యను ఇక్కడ చుద్దాం.
విరేచనాల(Gastroenteritis) వ్యాధితో..హైదరాబాద్లో 13,923 మంది, ఆదిలాబాద్లో 9496 మంది, మహబూబ్ నగర్లో 9263 మంది, సిద్దిపేటలో 8658 మంది, వికారాబాద్లో 6647, సంగారెడ్డి జిల్లాలో 6265, రంగారెడ్డిలో 5683 మంది, గద్వాల్ 5064 మంది, యాదాద్రిలో 4384 ఇలా మొత్తం 1,12,918 కేసులు నమోదయ్యాయి.
టైఫాయిడ్ వ్యాధితో..నిర్మల్లో 1709, సిద్దిపేటలో 1594, వనపర్తిలో 1389, నల్గొండలో 1286, ఆదిలాబాద్లో 1180, గద్వాల్ జిల్లాలో 1110 కేసులు రికార్డయ్యాయి.
డెంగీ వ్యాధితో..హైదరాబాద్లో 1722 మంది, నల్గొండలో 137, ఖమ్మంలో 122 మంది, మహబూబ్ నగర్లో 86 మంది, వరంగల్లో 46 మంది
అయితే ఈ వ్యాధులు ఎక్కువగా సరఫరా అయిన కలుషిత నీరు తాగడం వల్లే వ్యాప్తి చెందుతాయని వైద్యులు(doctors) అంటున్నారు. మరోవైపు గతంలో కూడా సికింద్రాబాద్, చిలకలగూడ సహా పలు ప్రాంతాల్లో నీటి సరఫరాలో లోపం కారణంగా దాదాపు 300 మంది వాంతులు, విరేచనాల గురించి అధికారులకు ఫిర్యాదులు కూడా చేశారు. చింతబావి బస్తీలో కూడా అనేక మంది ఇదే అంశంపై ఆందోళన వ్యక్తం చేశారు.
ఇది కూడా చూడండి: Cyber Fraud: భారీ పెట్టుబడుల పేరుతో మోసం..9 మంది అరెస్ట్
