గ్రేటర్ హైదరాబాద్ (Hyderabad) నగర ప్రయాణీకులకు ఆర్టీసీ (RTC) గుడ్ న్యూస్ చెప్పింది. సాధారణ ప్రయాణికులకు రూట్ పాస్ లు ఇస్తున్నట్లు వెల్లడించింది. సిటీ బస్సుల్లో మాత్రమే ఈ పాస్ లను అనుమతిస్తామని ఆర్టీసీ అధికారులు తెలిపారు. నిర్ణీత రూట్ లో తక్కువ దూరం ప్రయాణించే వారికి ఈ పాస్ తో గొప్ప వెసులుబాటు కలుగుతుందని అధికారులు వెల్లడించారు. ప్రస్తుతం 162 రూట్లలో ఈ పాస్ లను జారీ చేస్తున్నామని, ఎవరైనా సరే రూ.600 చెల్లించి ఆర్డినరీ పాస్ (Ordinary Pass) తీసుకోవచ్చని చెప్పారు. మెట్రో బస్సుల్లో ప్రయాణించాలనుకుంటే రూ.1000 చెల్లించి మెట్రో పాస్ (Metro pass) తీసుకోవచ్చని చెప్పారు. గుర్తింపు కార్డు కోసం రూ.50 అదనంగా చెల్లించాలని వివరించారు. ఈ పాస్ లతో 8 కిలోమీటర్ల దూరం (నిర్ణీత రూట్ లో) రోజుకు ఎన్నిసార్లు అయినా సరే ప్రయాణించవచ్చని తెలిపారు. ఆర్టీసీ (Greater Zone) పరిధిలో తిరిగే సిటీ బస్సుల్లో మాత్రమే ఈ పాస్ లను అనుమతిస్తామని ఆర్టీసీ అధికారులు తెలిపారు. గతంలో రూట్ పాస్ లను కేవలం విద్యార్థులకు మాత్రమే జారీ చేసే పాస్ లను ప్రస్తుత అవసరాల దృష్ట్యా సాధారణ ప్రయాణికులకూ ఇస్తున్నట్లు చెప్పారు.ఈ నెల 27వ తేదీ నుంచే నగర ప్రయాణికుల కోసం అమల్లోకి వచ్చినట్లు ఆర్టీసీ గ్రేటర్ అధికారులు తెలిపారు.
చదవండి : మెడిసిటీ మెడికల్ కాలేజ్ గుర్తింపు రద్దు
