BDK: ఆళ్లపల్లి మండలంలో ఉన్న పోడు భూమి సమస్యలు పరిష్కరించాలని మండల ప్రజలు మణుగూరులో ఎమ్మెల్యే పాయం వెంకటేశ్వర్లకు వినతిపత్రం అందజేశారు. అదేవిధంగా పోడు భూములకు త్రీఫేస్ కరెంటు అందించే విధంగా కృషి చేయాలని కోరారు. ఈ సందర్భంగా ఎమ్మెల్యే మాట్లాడుతూ.. త్వరలోనే ఈ సమస్యలకు పరిష్కారం మార్గం చూపుతానని హామీ ఇచ్చారు.
NLG: పోలీసు శాఖ తరుపున పౌరులందరికి ముందస్తు నూతన సంవత్సర హార్దిక శుభాకాంక్షలను కోదాడ డీఎస్పీ శ్రీధర్ రెడ్డి కోదాడ పట్టణంలోని డీఎస్పీ కార్యాలయంలో శనివారం ఒక ప్రకటనలో తెలియజేశారు. ఈ సందర్భంగా డీఎస్పీ మాట్లాడుతూ.. న్యూ ఇయర్ సందర్భంగా ప్రజా భద్రతను, గత అనుభవాలను దృష్టిలో పెట్టుకుని పోలీస్ శాఖ ప్రజలందరికీ ఒక ప్రత్యేక విజ్ఞప్తి చేశారు.
WGL: ఆత్మహత్యాయత్నానికి పాల్పడుతున్న మహిళను ఏటూరునాగారం పోలీసులు కాపాడారు. ఎస్సై తాజుద్దీన్ వివరాలు.. బెస్తవాడకు చెందిన ఇంద్రరాపు సమ్మక్క భర్త చనిపోవడంతో అత్తింటి వారితో ఆస్థి పంపకాల గొడవలు జరుగుతున్నాయి. ఈ క్రమంలో తీవ్ర మనస్తాపం చెందిన సమ్మక్క ముళ్లకట్ట బ్రిడ్జి వద్ద ఆత్మహత్యకు యత్నించడంతో సమాచారం అందుకున్న పోలీసులు మహిళలు కాపాడారు.
BHNG: జిల్లా కేంద్రంలోని ప్రభుత్వ ఆసుపత్రిని కలెక్టర్ హనుమంతరావు నేడు ఆకస్మికంగా తనిఖీ చేశారు. రికార్డులను పరిశీలించి ఉద్యోగుల పనితీరు, అటెండెన్స్, వారి వివరాలపై ఆరా తీశారు. కొద్దిసేపు రోగులతో మాట్లాడి సమస్యలను అడిగి తెలుసుకున్నారు. ఆపదలో వచ్చిన వారికి తక్షణ సాయం అందించాలని వైద్య అధికారులను ఆదేశించారు.
NZB: వంద శాతం ఉత్తీర్ణత లక్ష్యంగా ఇది వరకే తీసుకువచ్చిన 90 రోజుల ప్రణాళికపై అన్ని కళాశాల అధ్యాపకులు, ప్రిన్సిపల్‌లతో సమావేశాలు నిర్వహించామని, అయినప్పటికీ పరిస్థితులలో మార్పులు రాకపోతే ఉన్నతాధికారులకు నివేదికలు సమర్పిస్తానని నిజామాబాద్ DICO రవికుమార్ హెచ్చరించారు. శనివారం ఆయన మాట్లాడుతూ. వచ్చే ప్రయోగ పరీక్షలను, వార్షిక పరీక్షలను శ్రద్ధగా వహించాలన్నారు.
SDPT: సిద్దిపేట పోలీస్ కమిషనరేట్ పరిధిలో ఈ నెల 29వ తేదీ ఉదయం 6:00 గంటల నుండి జనవరి 13వ తేదీ ఉదయం 6 గంటల వరకు సిటీ పోలీస్ యాక్ట్ అమలులో ఉంటుందని పోలీసు కమిషనర్ డా. బీ.అనురాధ శనివారం ఒక ప్రకటనలో పేర్కొన్నారు. కమిషనరేట్ పరిధిలో ఎలాంటి ధర్నాలు, ర్యాలీలు, రాస్తారోకోలు, సభలు, సమావేశాలు నిర్వహించకూడదని చట్టపరంగా చర్యలు తీసుకుంటామని అన్నారు.
NLG: గుర్రంపోడు మండలం మక్కపల్లి గ్రామానికి చెందిన కిరణ్ అనే 10వ తరగతి విద్యార్థి శనివారం ఇంటి పైన ఫోన్ మాట్లాడుతుండగా ప్రమాదవశాత్తు విద్యుత్ తీగలు తాకడంతో విద్యుత్ షాక్‌కు గురై అక్కడికక్కడే మృతి చెందాడు. పోలీసులు ఘటన స్థలానికి చేరుకొని ప్రమాద కారణాలను తెలుసుకున్నారు. విద్యుత్ అధికారుల నిర్లక్ష్యం వల్లే ప్రమాదం జరిగిందని కుటుంబ సభ్యులు వాపోయారు.
NRPT: పెండింగ్లో ఉన్న కేసుల పరిష్కారానికి కృషి చేయాలని డీఎస్పీ లింగయ్య అన్నారు. శనివారం మద్దూర్ పోలీస్ స్టేషన్‌ను ఆకస్మికంగా తనిఖీ చేశారు. ఈ సందర్భంగా రికార్డులను పరిశీలించారు. పెండింగ్లో ఉన్న కేసుల వివరాలను ఎస్సై రామ్ లాల్ అడిగి తెలుసుకున్నారు. పోలీస్ స్టేషన్‌కు వచ్చే బాధితులకు అండగా ఉండి వారికి న్యాయం చేయాలని అన్నారు.
ADB: సీఎం కప్-2024లో జిల్లా స్థాయిలో గెలిచి రాష్ట్ర స్థాయిలో పాల్గొనేందుకు వెళ్తున్న విద్యార్థులకు కలెక్టర్ రాజర్షి షా శనివారం క్రీడా దుస్తులను పంపిణీ చేశారు. రాష్ట్రస్థాయి పోటీల్లో గెలుపొంది జిల్లాకు మంచి పేరు తీసుకురావాలని ఆకాంక్షించారు. ఈ కార్యక్రమంలో DYSO వెంకటేశ్వర్లు, ట్రైబల్ ఆఫీసర్ పార్థసారథి, PD రాము, తదితరులున్నారు.
HYD: ప్రజలకు ఎల్లప్పుడూ అందుబాటులో ఉండి సేవలు అందిస్తున్నామని చార్మినార్ ఎమ్మెల్యే మీర్ జుల్ఫీకర్ అలీ అన్నారు. గురువారం ఎంఐఎం కార్యాలయంలో నియోజకవర్గ ప్రజల సమస్యలను అడిగి తెలుసుకున్నారు. పలు సమస్యలను పరిష్కరించాలని కోరుతూ ఎమ్మెల్యేకు వినతిపత్రాలను అందజేశారు. తప్పకుండా సమస్యలు పరిష్కారం అయ్యేలా చూస్తామని ఎమ్మెల్యే హామీ ఇచ్చారు.
HYD: కుత్బుల్లాపూర్ నియోజకవర్గాన్ని ఆదర్శవంతంగా తీర్చిదిద్దుతానని ఎమ్మెల్యే కేపీ వివేకానంద్ అన్నారు. నిజాంపేట్ పరిధిలో శనివారం పర్యటించారు. పత్తికుంట చెరువు, ధోబిఘాట్ నిర్మాణం, సీసీ రోడ్లు అభివృద్ధి చేయాలని స్థానికులు ఎమ్మెల్యే దృష్టికి తెచ్చారు. అభివృద్ధి పనులకు నిర్మాణానికి ప్రణాళికలు రూపొందించి వెంటనే పనులు చేపట్టే విధంగా కృషి చేస్తానన్నారు.
JGL: ఎండపల్లి మండలం చర్లపల్లికి చెందిన గొర్రెల కాపరి సంకటి మల్లయ్యకు చెందిన 20 గొర్రెలు ఇటీవల కుక్కల దాడిలో మృతిచెందాయి. బాధిత కుటుంబాన్ని విప్ అడ్లూరి లక్ష్మణ్ కుమార్ శనివారం పరామర్శించారు. జరిగిన నష్టం వివరాలు తెలుసుకున్నారు. ప్రభుత్వం తరఫున సాయం అందేలా చూస్తానని భరోసానిచ్చారు.
NRML: నిర్మల్‌లో కేజీబీవీ విద్యార్థినుల అనారోగ్యానికి ఫుడ్ పాయిజన్ కారణం కాదని కలెక్టర్ అభిలాష అభినవ్ శనివారం ఒక ప్రకటనలో తెలిపారు. కేజీబీవీ విద్యార్థుల అనారోగ్యంపై అధికారులతో విచారణ జరపగా.. వారి నివేదిక ప్రకారం సదరు విద్యార్థులు గ్యాస్ట్రిక్ సమస్యతో జిల్లా ప్రభుత్వ ప్రధాన ఆసుపత్రిలో చేరారని వారు స్పష్టం చేశారు.
మేడ్చల్: మేడ్చల్ పరిధిలో ఇటీవల అయ్యప్ప మహా పడిపూజ నిర్వహిస్తున్న సమయంలో మండపంలోకి వెళ్లి అయ్యప్ప స్వాములపై దురుసుగా ప్రవర్తించిన ఎస్ఐ అశోక్‌ను వెంటనే సస్పెండ్ చేయాలని మల్కాజిగిరి కార్పొరేటర్ శ్రవణ్ డిమాండ్ చేశారు. ఈ సందర్భంగా మేడ్చల్ ACP శ్రీనివాస్ రెడ్డికి వినతిపత్రం అందించారు. అయ్యప్ప స్వాములను అవమాన పరిచిన ఎస్ఐపై వెంటనే చర్యలు తీసుకోవాలని కోరారు.
KMR: జిల్లా కలెక్టరేట్ సముదాయంలోని జిల్లా వైద్య ఆరోగ్యశాఖ కార్యాలయంలో ఆశా ఫెసిలిటేటర్లతో నేడు సమీక్ష నిర్వహించినట్లు జిల్లా మాతాశిశు ఆరోగ్యాధికారి డా.అనురాధ తెలిపారు. జిల్లాలోని ఆశా ఫెసిలిటేటర్లతో ప్రభుత్వం ద్వారా అందిస్తున్న వైద్యసేవల పనితీరుపై సమీక్షించారు. గర్భిణీలు, బాలింతలు, చిన్న పిల్లలకు పూర్తి స్థాయిలో వైద్యం అందేటట్లు చూడాలని కోరారు.
