BDK: జిల్లా సీపీఐ జిల్లా కార్యవర్గ సభ్యుడు, రాష్ట్ర రైతు సంఘం నాయకుడు కామ్రేడ్ ఏపూరి బ్రహ్మం మృతి చెందారని కుటుంబసభ్యులు తెలిపారు. కొంతకాలంగా అనారోగ్య సమస్యలతో బాధపడుతున్న ఇవాళ తెల్లవారుజామున కన్నుమూశారని చెప్పారు. ఆయన మృతిపట్ల సీపీఐ, రైతు సంఘం నివాళి అర్పించింది.
KMM: మధిరలోని బీఆర్ఎస్ పార్టీకి చెందిన నాయకులు డిప్యూటీ సీఎం భట్టి విక్రమార్క సమక్షంలో కాంగ్రెస్‌లో బుధవారం చేరారు. పీఆర్టీయూ రాష్ట్ర అసోసియేట్ అధ్యక్షుడు బోయపాటి వెంకటేశ్వరరావు, బీఆర్ఎస్ ముఖ్య నేత దిరిశాల జగన్నాథ చారి సహా వార్డ్ ఇంఛార్జులు JV రెడ్డి, ఎల్వీ రెడ్డి, వినోద్ హస్తం తీర్థం పుచ్చుకున్నారు. కాంగ్రెస్ నాయకులు శ్రీనివాసరెడ్డి పాల్గొన్నారు.
JGL: పట్టణంలోని శ్రీ గుట్ట రాజేశ్వరస్వామి దేవాలయంలో టీటీడీ 10 లక్షల నిధులతో ధ్యాన మందిరం నిర్మాణానికి ఎమ్మెల్యే డా.సంజయ్ కుమార్, వైస్ ఛైర్మన్ గోలి శ్రీనివాస్‌తో బుధవారం కలిసి భూమిపూజ చేశారు. వారి వెంట బాలే శంకర్, ఆనందరావు, ప్రవీణ్ రావు, రాజేష్, నక్క గంగాధర్, క్రాంతి, బిక్షపతి, బలుసు సాయికుమార్, ఆలయ కమిటీ సభ్యులు నాగభూషణం, శంకర్‌రావు, తదితరులున్నారు.
JN: కొమురవెల్లి మండలం కిష్టంపేట గ్రామానికి చెందిన కొయ్యడ నరసింహులు మంగళవారం గుండెపోటుతో మృతి చెందారు. కాంగ్రెస్ మండల ప్రధాన కార్యదర్శి సనాది భాస్కర్ బుధవారం వారి చిత్ర పటానికి పూల మాల వేసి నివాళులు అర్పించారు. అనంతరం వారి కుటుంబ సభ్యులకు రూ.10 వేల ఆర్థిక సహాయం అందించి మానవత్వం చాటుకున్నారు.
BNR: బొమ్మలరామారం మండలంలోని నాగినేనిపల్లిలో బీజేపీ నూతన కమిటీని ఆపార్టీ శక్తి కేంద్రం ఇన్‌ఛార్జ్ ముక్కర్ల గణేశ్ ఆధ్వర్యంలో ఎన్నుకున్నారు. పార్టీ 28వబూత్ ఇన్‌ఛార్జిగా సల్లశివ, 29వబూత్ ఇన్‌ఛార్జ్‌గా గుజ్జవిజయ్ కుమార్ ఏకగ్రీవంగా ఎన్నికయ్యారు. గ్రామంలో పార్టీ ఎదుగుదలకు నిరంతరం కృషిచేస్తామని, తమ ఎన్నికకు సహకరించిన పార్టీపెద్దలకు కార్యకర్తలకు ధన్యవాదాలు తెలిపారు.
HYD: రాజేంద్రనగర్ PS పరిధి బండ్లగూడ జాగీర్ కార్పొరేషన్ మేపిల్ టౌన్ విల్లాలో చోరికి పాల్పడ్డ బీహారీ దంపతులు అరెస్ట్ అయ్యారు. సికింద్రాబాద్ రైల్వే స్టేషన్ సమీపంలో ఇద్దరిని రాజేంద్రనగర్ క్రైమ్ టీమ్ పట్టుకున్నారు. చోరి చేసి ఆభరణాలతో బీహర్ చెక్కేసే వారి ప్రయత్నాన్ని పోలీసులు తిప్పి కొట్టారు. చోరి చేసిన బంగారం, ఆభరణాలు స్వాదీనం చేసుకున్నారు.
RR: మహేశ్వరం పరిధి తుమ్మలూరు ప్రాంతంలో దాదాపుగా 300 ఎకరాలలో పచ్చని ఏకో పార్క్ అందాలను కనువిందు చేస్తుంది. ఈ ఉద్యానవనాలలో పచ్చదనాన్ని మరింత పెంచేందుకు ప్రభుత్వం ప్రత్యేక చర్యలు తీసుకుంటున్నట్లు పేర్కొంది. ఇప్పటికే పలు ప్రాంతాలలో మొక్కలు నాటే పనులను హైదరాబాద్ శివారు ప్రాంతాలు, నగరంలోనూ వేగవంతం చేసినట్లు పేర్కొంది.
WNP: పెబ్బేరు పట్టణంలో బీసీ కాలనీ వెళ్లే ప్రధాన రహదారి వెంబడి పండ్లు అమ్మే చిన్న పెంటమ్మ అనే మహిళా బుధవారం బండి తోసుకుంటూ వెళ్తుంది. బైకుపై వచ్చిన గుర్తుతెలియని దుండగులు ఆమె మెడలోని బంగారు నగలు దొంగింలించాడానికి ప్రయత్నించారు. ఆమె వారితో పోరాడి వారి నుంచి చాకచక్యంగా తప్పించుకుంది. దీంతో పలువురు ఆమెను అభినందించారు.
MNCL: జిల్లాలో ఇందిరమ్మ ఇళ్ల సర్వేను పారదర్శకంగా చేపట్టాలని మంచిర్యాల కలెక్టర్ కుమార్ దీపక్ పేర్కొన్నారు. బుధవారం ఆయన కలెక్టరేట్ సమావేశ మందిరంలో మాట్లాడుతూ.. ఎలాంటి పొరపాట్లు లేకుండా యాప్‌లో సిబ్బంది వివరాలు నమోదు చేయాలని సూచించారు. ఏదైనా సమస్య ఉంటే తన దృష్టికి తీసుకురావాలని సూచించారు.
KMR: బాన్సువాడ మద్యానికి బానిసై జీవితంపై విరక్తి చెందిన ఓ యువకుడు ఆత్మహత్య చేసుకున్న ఘటన బీర్కూర్‌లో చోటుచేసుకుంది. ఎస్సై రాజశేఖర్ తెలిపిన వివరాల ప్రకారం.. బీర్కూర్‌కు చెందిన యావ హరీష్(19) మద్యానికి అలవాటు పడి జులాయిగా తిరిగేవాడు. కాగా మంగళవారం రాత్రి ఇంట్లో ఉరేసుకున్నాడు.
KMR: నిజాంసాగర్‌ జవహర్‌ నవోదయ విద్యాలయంలో విధులు నిర్వహిస్తున్న అధ్యాపకుడు కొంతకాలంగా విద్యార్థినులను వేధిస్తున్నట్లు సమాచారం. ఈ విషయమై విద్యార్థినులు ఆదివారం జరిగిన పూర్వ విద్యార్థుల సమ్మేళనంలో వారి దృష్టికి తీసుకొచ్చారు. వెంటనే పూర్వవిద్యార్థులు సోమవారం ఈ విషయాన్ని ఉన్నతాధికారులకు రాత పూర్వకంగా రాయాలి.
NGKL: కొల్లాపూర్ నియోజకవర్గ క్రిస్టియన్ సోదరీ, సోదరి మనులకు మంత్రి జూపల్లి కృష్ణారావు బుధవారం క్రిస్మస్ పండుగ శుభాకాంక్షలు తెలిపారు. యేసుక్రీస్తు ప్రపంచ సర్వమత శాంతి స్థాపన కోసం పుట్టిన మహనీయుడు, గొప్ప శాంతి దూత అని పేర్కొన్నారు. శత్రువులను మిత్రులుగా మార్చి, వారు శాంతి మార్గంలో పయనించేలా ప్రేమను చూపారన్నారు. ఆయన మార్గం అందరికీ ఆదర్శనీయమన్నారు.
KMM: తెలంగాణ సార్వత్రిక విద్యాపీఠం ఆధ్వర్యాన ప్రస్తుత విద్యాసంవత్సరానికి పదో తరగతి, ఇంటర్మీడియట్‌లో ప్రవేశాలకు ఈనెల 30వ తేదీ వరకు అవకాశముందని డీఈఓ సోమశేఖరశర్మ, ఓపెన్ స్కూల్ ఉమ్మడి జిల్లా కోఆర్డినేటర్ ఎం. పాపారావు తెలిపారు. అర్హులైన అభ్యర్థుల కోసం ప్రత్యేక షెడ్యూల్ ప్రకటించినందున సద్వినియోగం చేసుకోవాలని సూచించారు.
HYD: సెక్రటేరియట్ ముట్టడికి రాష్ట్ర నలుమూలల నుంచి వెళ్లిన సివిల్ ఇంజనీర్లు మంత్రి పొంగులేటి శ్రీనివాస్ రెడ్డిని కలిశారు. VRO, VRAల్లో ఇంటర్మీడియట్ చదివిన వారికి డిప్యూటీ సర్వేయర్ పోస్టులు ఇవ్వకుండా, డైరెక్ట్ రిక్రూట్‌మెంట్ ద్వారా భర్తీ చేయాలని కోరారు. సానుకూలంగా స్పందించిన మంత్రి, సివిల్ ఇంజినీర్లకు న్యాయం చేస్తామని హామీ ఇచ్చారు.
KMM: వైరాలో బుధవారం తెల్లవారుజామున రోడ్డుప్రమాదం జరిగింది. స్థానికుల వివరాలిలా.. పాత బస్టాండ్ దగ్గర ఓ వ్యక్తిని తప్పించబోయి కారు డివైడర్‌ను ఢీకొట్టింది. పాదచారికి తీవ్ర గాయాలయ్యాయి. కారు హైదరాబాద్ నుంచి భద్రాచలం వెళుతున్నట్లు తెలుస్తోంది. వైరా పోలీసులు క్షతగాత్రుడిని ఓ ప్రైవేటు ఆస్పత్రికి తరలించారు.
