తెలంగాణ (Telangana) శాసన సభ ఎన్నికల నామినేషన్లకు గడువు ప్రకియ ముగిసింది.ఈ నెల 13 వరుకు నామినేషన్లు పరిశీలిస్తారు. ఉపసంహరణకు 15 వరుకు అవకాశం ఉంది. పలు పార్టీలు చివరి నిమిషంలో అభ్యర్థులను మార్చడం.. చివరి నిమిషంలో టిక్కెట్లు కేటాయించిన కారణంగా కొంతమంది హడావుడిగా నామినేషన్ (Nomination) దాఖలు చేశారు. ఈ రోజు మధ్యాహ్నం మూడు గంటల వరకు నామినేషన్ వేయడానికి గడువు ఇచ్చారు. మూడు గంటల లోగా నామినేషన్ వేసేందుకు సంబంధిత రిటర్నింగ్ ఆఫీసర్ కార్యాలయానికి వెళ్లి వరుసలో నిలుచున్న అభ్యర్థులకు నామినేషన్ దాఖలు చేయడానికి అనుమతి ఇచ్చారు.
చదవండి : Kamal haasan: కృష్ణ విగ్రహాన్ని ఆవిష్కరించిన కమల్ హాసన్!
నామినేషన్లకు నేడు చివరి రోజు కావడంతో ఆయా పార్టీల నుంచి పెద్ద సంఖ్యలో అభ్యర్థులు నామినేషన్ దాఖలు చేశారు. ప్రాథమికంగా సీఈఓ (CEO) కార్యాలయం వెల్లడించిన వివరాల ప్రకారం గురువారం సాయంత్రనికి నామినేషన్ల సంఖ్య 3,114కు చేరుకున్నది. చివరి గంటలో భారీ సంఖ్యలో చాలా సెగ్మెంట్లలో ఫైల్ అయినందున ఈ సంఖ్య మరింత పెరగనున్నది. గత అసెంబ్లీ ఎన్నికల (Assembly elections) (2018) సందర్భంగా రాష్ట్రంలోని మొత్తం 119 నియోజకవర్గాల్లో 2,399 నామినేషన్లు దాఖలు కాగా అందులో 456 రిజెక్ట్ అయ్యాయి. మరో 367 నామినేషన్లను అభ్యర్థులు ఉపసంహరించుకున్నారు. చివరకు 1821 మంది అభ్యర్థులు బరిలో ఉన్నారు. పోలింగ్ తర్వాత వీరిలో 1,569 మందికి డిపాజిట్లు కూడా రాలేదు.
చదవండి : Karnataka: కర్ణాటక ఆలయంలో విద్యుత్ ప్రవాహం.. భక్తుల మధ్య తొక్కిసలాట
