ప్రపంచంలోనే తొలి త్రీడీ ఆలయం (3D Printed Temple) ఏర్పాటైంది. అది కూడా ఎక్కడో కాదు మన తెలుగు రాష్ట్రాల్లో ఒక్కటైన తెలంగాణ (Telangana)లో ఆ ఆలయం రూపుదిద్దుకుంది. రోబోటిక్స్ కన్‌స్ట్రక్షన్ 3డి ప్రింటింగ్ సాయంతో ఈ ఆలయాన్ని నిర్మించారు. తెలంగాణలోని సిద్దిపేట (Siddipet)లో ఈ త్రీడీ ఆలయాన్ని తయారు చేశారు. పూర్తిస్థాయిలో త్రీడీ ప్రింటింగ్ టెక్నాలజీ (3D Printing Technology)తో ఆ ఆలయం ప్రింట్ అవుతోంది. రోబోటిక్ మిషన్ (Robotic Mission) సాయంతో ఆలయ నిర్మాణ పనులు వేగంగా సాగుతున్నాయి.
చదవండి: Konda Surekha ఎన్నికల సిత్రాలు: బీఆర్ఎస్ ఆఫీసులోకి వెళ్లిన ఫైర్ బ్రాండ్..?
ఒక భవనాన్ని నిర్మించాలంటే ఎంతో వ్యయ ప్రయాసలు తప్పవు. నిర్మాణాలను పూర్తి చేయాలంటే నెలలు గడవాల్సి ఉంటుంది. అయితే ఆ కష్టాలకు చెక్ పెడుతూ కేవలం గంటల వ్యవధిలోనే నిర్మాణాలను పూర్తిచేసే టెక్నాలజీ (Technology)తో ఆధ్యాత్మిక టెంపుల్స్‌ను నిర్మిస్తున్నారు. సిద్దిపేట అర్బన్ మండలం బూరుగుపల్లి సమీపంలో ఓ ప్రైవేటు విల్లాలో మూడు త్రీడీ ఆలయాలను నిర్మిస్తున్నారు. ఈ ఆలయ నిర్మాణ పనులను అప్సూజ కంపెనీ చేపడుతోంది.
చదవండి: ADAA: ప్రపంచంలో అత్యుత్తమ రెస్టారెంట్ల జాబితా: ‘ఆదా’కు థర్డ్ ప్లేస్
ఈ త్రీడీ ఆలయాన్ని (3D Temple) 3,800 చదరపు అడుగుల విస్తీర్ణంలో 30 అడుగుల ఎత్తుతో నిర్మించనున్నారు. మొదటగా వినాయక ఆలయాన్ని నిర్మించి ఆ పక్కనే శివాలయం ఏర్పాటు చేయనున్నారు. ఇకపోతే ఆఖర్లో అమ్మవారి ఆలయాలను ఏర్పాటు చేస్తారు. మాన్యువల్‌గా మనుషులు తయారు చేయలేని డిజైన్‌ను కాంక్రీట్ త్రీడీ మిషన్ ద్వారా నిర్మించనున్నారు. ఈ ఆలయాన్ని ప్రింటింగ్ చేయడానికి 3 నెలలు పట్టిందని, మొత్తంగా గుడి నిర్మాణానికి ఐదున్నర నెలలు పట్టినట్లు నిర్వాహకులు వెల్లడించారు. ఈ గుడి ప్రపంచంలోనే తొలి త్రీడీ టెంపుల్ (World First 3D Temple)గా రికార్డుకెక్కడం విశేషం.
