Hyderabad: సూర్యాపేటకు చెందిన ఓ యువతి తల్లి, సోదరుడితో కలిసి ఉంటుంది. ఇంట్లో సోదరుడికి తనకి గొడవ జరగ్గా ఆ యువతిని కొట్టాడు. దీంతో ఆ యువతి కోపంతో ఇంటి నుంచి బయటకు వచ్చి హైదరాబాద్‌కు బస్సు ఎక్కింది. రాత్రి 11 గంటల ప్రాంతంలో ఎంజీబీఎస్ బస్టాండ్‌లో దిగిన బయటకు వచ్చింది. తర్వాత అప్జల్‌గంజ్ వైపు నడుచుకుంటూ వెళ్తోంది. ఆ యువతిని చూసిన ఓ ఇద్దరు దుండగులు ద్విచక్రవాహనంపై వెంబడించారు. ఎక్కడికి వెళ్లాలని ఆమెను అడగ్గా.. సమీపంలోని పోలీసు స్టేషన్‌కు వెళ్లాలని చెప్పింది. తాము కూడా అక్కడికే వెళ్తున్నామని.. నిన్ను కూడా తీసుకువెళ్తామని చెప్పి బైక్ ఎక్కించుకున్నారు.
ఇది కూడా చూడండి: Hanuman: అయోధ్య రామ మందిరానికి ప్రతి టికెట్‌పై రూ.5 విరాళం
కొంతదూరం వెళ్లాక ఆమెకు నమ్మకం కలిగించాలని.. ఓ ఐస్‌క్రీం పార్లర్ వద్ద ఐస్‌క్రీం తినిపించారు. తర్వాత బండ్లగూడ ఠాణా పరిధి లేక్‌వ్యూ హిల్స్ సమీపంలోని శ్రీకాంత్‌కు చెందిన స్క్రాప్ గోడౌన్‌లోకి తీసుకెళ్లి అత్యాచారానికి పాల్పడ్డారు. మళ్లీ వేరే చోటుకి తరలించేందుకు బైక్‌పై తీసుకెళ్తుండగా బాధితురాలు అరిచింది. దీంతో స్థానికులు వచ్చేసరికి నిందితులు పరారయ్యారు. బాధితురాలి ఫిర్యాదు మేరకు నిందితులపై కేసు నమోదు చేశారు. గంటల వ్యవధిలోనే దుండగులను అరెస్ట్ చేశారు.
ఇది కూడా చూడండి: Horoscope Today: నేటి రాశిఫలాలు(2024 January 8th)..పనులు పూర్తవుతాయి
