నూతన పార్లమెంటు భవనాన్ని ప్రధాని మోదీ (Pm modi) ప్రారంభించడంపై భిన్నాభిప్రాయాలు వ్యక్తమవుతున్న సమయంలో తెలంగాణ గవర్నర్ తమిళిసై (Governor Tamilisai) సౌందర్ రాజన్ సంచలన కామెంట్లు చేశారు. తెలంగాణ సచివాలయాన్ని అద్భుతంగా కట్టారు. సచివాలయ (Secretariat) ప్రారంభోత్సవానికి నన్ను ఆహ్వానించలేదు. నాకు కనీసం ఆహ్వాన పత్రిక కూడా ఇవ్వలేదు. కొత్త పార్లమెంటు (New Parliament) ప్రారంభోత్సవ అంశం ప్రస్తుతం వివాదాస్పదం అవుతోంది. రాష్ట్రపతే ప్రారంభించాలంటూ విపక్షాలు డిమాండ్‌ చేస్తున్నాయి. రాష్ట్రపతికి రాజకీయాలతో సంబంధం లేదని అంటున్నారు. గవర్నర్లూ రాష్ట్రపతి (President) మాదిరిగానే రాజకీయేతర వ్యక్తులే కదా!’’ అని ఆమె అన్నారు.
చదవండి : Major Accident అన్నమయ్య జిల్లాలో ప్రైవేటు బస్సు బోల్తా.. 63 మందికి గాయాలు
ఇప్పుడు కొత్త పార్లమెంటు భవనాన్ని రాష్ట్రపతి చేతుల మీదుగా ప్రారంభించాలనే వార్తలు వినిపిస్తున్న సమయంలో బీఆర్ఎస్ వైఖరిని ప్రస్తావిస్తూ ఇక్కడే తిరకాసు ఉన్నదని వ్యాఖ్యానించారు. రాష్ట్రపతిని రాజకీయాలకు అతీతంగా ఉండే వ్యక్తిగా భావిస్తూ గవర్నర్ (Governor) విషయంలో మాత్రం రాజకీయాలతో లింక్ ఉన్నట్లుగా భావించడంపై ఆమె అభ్యంతరం వ్యక్తం చేశారు. దేశ అత్యున్నత పదవిలో ఉంటున్న రాష్ట్రపతి రాజకీయాలకు అతీతంగా ఉండే వ్యక్తి అని చెప్తున్న సీఎం కేసీఆర్ (CM KCR) (పరోక్షంగా ప్రస్తావిస్తూ) గవర్నర్ విషయంలో మాత్రం భిన్నమైన అభిప్రాయాన్ని ఎందుకు వ్యక్తం చేస్తున్నారని ప్రశ్నించారు. రాజకీయాలకు చెందిన వ్యక్తులనే గవర్నర్‌గా నియమిస్తున్నారనే ప్రస్తావన ఎందుకు చేస్తున్నారని ప్రశ్నించారు.
చదవండి : Breaking: పట్టాలు తప్పిన గూడ్స్ ట్రైన్..విశాఖ-భువనేశ్వర్ రూట్లలో నిలిచిన ట్రైన్లు!
