ఓ గూడ్స్ ట్రైన్ ఆకస్మాత్తుగా పట్టాలు తప్పంది. ఈ సంఘటన ఓడిశాలో చోటుచేసుకుంది. ఈ నేపథ్యంలో విశాఖపట్నం నుంచి భువనేశ్వర్ ప్రాంతాల్లో ప్రయాణించే రైళ్లకు అంతరాయం ఏర్పడిందని అధికారులు పేర్కొన్నారు. ఒడిశా ఛత్రపూర్-గంజాం రైల్వే స్టేషన్ల మధ్య ఈ గూడ్స్ ట్రైన్ పట్టాలు తప్పినట్లు వెల్లడించారు. ఈ క్రమంలో అప్రమత్తమైన అధికారులు తూర్పు కోస్తా రైల్వే పరిధిలో సిబ్బంది చర్యలు చేపడుతున్నట్లు తెలిపారు.
ఈ నేపథ్యంలో శ్రీకాకుళం రోడు, పలాస, సోంపేట, ఇచ్చాపురంతోపాటు ఒడిశాలోని బ్రహ్మపుర, ఛత్రపూర్ స్టేషన్లలో పలు రైళ్లను అధికారులు తాత్కాలికంగా రద్దు చేశారు. దీంతో ఇప్పటికే టిక్కెట్లు బుక్ చేసుకున్న ప్రయాణికులు గంటల తరబడి వేచి ఉండాల్సి వస్తుందని ఆవేదన వ్యక్తం చేస్తున్నారు.
