Hyderabad: హైదరాబాద్ పాత బస్తీలో భారీ అగ్నిప్రమాదం చోటు చేసుకుంది. షూ షోరూంలో మంటలు చెలరేగాయి. అయితే ఆ సమయంలో షాపులో ఎవరూ లేకపోవడంతో పెను ప్రమాదం తప్పింది. అయితే భారీగా ఆస్తినష్టం జరిగినట్లు తెలుస్తోంది. వివరాలు.. గర్షా బజార్‌లోని ఓ షూ షోరూంలో బుధవారం మధ్యాహ్నం మంటలు చెలరేగాయి. ఈ ఘటనపై స్థానికులు పోలీసులకు, అగ్నిమాపక సిబ్బందికి సమాచారం అందించారు. అగ్నిమాపక సిబ్బంది రెండు ఫైరింజన్లతో ఘటనాస్థలికి చేరుకుని మంటలను అదుపులోకి తీసుకొచ్చారు. ఘటన జరిగిన సమయంలో దుకాణంలో ఎవరూ లేకపోవడంతో ఎలాంటి ప్రాణ నష్టం జరగలేదు. అయితే ఈ ప్రమాదంలో భారీగా ఆస్తి నష్టం జరిగినట్లు సమాచారం. షార్ట్ సర్క్యూట్ వల్లే ప్రమాదం జరిగినట్లు పోలీసుల ప్రాథమిక విచారణలో తేలింది.
చదవండి:Narendra Modi : నవంబర్ 30న భారత్ సంకల్ప్ యాత్ర.. లబ్ధిదారులతో మాట్లాడనున్న ప్రధాని మోడీ
సూరత్ కెమికల్ ప్లాంట్ లో మంటలు
గుజరాత్‌లోని సూరత్ లో కెమికల్ ప్లాంట్‌లో బుధవారం జరిగిన అగ్ని ప్రమాదంలో 24 మంది కార్మికులు గాయపడ్డారు. ప్లాంట్‌లో పేలుడు సంభవించిన తర్వాత మంటలు సంభవించాయి. సూరత్‌లోని సచిన్ జిఐడిసి పారిశ్రామిక ప్రాంతంలో ఉన్న కెమికల్ ఫ్యాక్టరీలో తెల్లవారుజామున 2 గంటల సమయంలో మంటలు చెలరేగాయి. ఒక పెద్ద ట్యాంక్‌లో నిల్వ ఉంచిన మండే రసాయనాల లీకేజీ కారణంగా పేలుడు సంభవించిందని సూరత్ ఇన్‌ఛార్జ్ చీఫ్ ఫైర్ ఆఫీసర్ బసంత్ పరీక్ తెలిపారు. గాయపడ్డ కార్మికులను చికిత్స నిమ్మితం ఆసుపత్రికి తరలించారని పరీక్ తెలిపారు.
చదవండి:Ram Charan: హఠాత్తుగా హైదరాబాద్‌కి మెగా పవర్ స్టార్
