MLC Kavitha : బీఆర్‌ఎస్‌ ఎమ్మెల్సీ కవిత బంధువులకు సంబంధించిన ఇళ్లల్లో ఎన్ఫోర్స్మెంట్ డైరెక్టరేట్‌ (ED) అధికారులు సోదాలు చేస్తున్నారు. శనివారం ఉదయం 6 : 30 కే హైదరాబాద్ వచ్చిన ఈడీ అధికారులు ముందుగా కవిత ఆడపడుచు అఖిల నివాసంలో తనిఖీలు మొదలు పెట్టారు. మొత్తం ఏడుగురు ఈడీ అధికారుల బృందం సోదాలు నిర్వహిస్తోంది. కవిత అరెస్టు అనంతరం ఈ సోదాలు జరుగుతుండటంతో అంతటా టెన్షన్ నెలకొంది. దీనికి సంబంధించిన పూర్తి వివరాలు తెలియాల్సి ఉంది.
చదవండి : మాస్కోలో భీకర ఉగ్రదాడి… 60 మంది మృతి
దేశ వ్యాప్తంగా సంచలనం సృష్టించిన ఢిల్లీ లిక్కర్‌ స్కాం కేసులో (Delhi Liquor Scam Case) ఈడీ దర్యాప్తును వేగవంతం చేసింది. దీన్ని ఒక కొలిక్కి తీసుకురావడానికి అధికారులు ప్రయత్నాలు చేస్తున్నారు. ఈ ఢిల్లీ లిక్కర్‌ స్కాంలో భాగంగానే ఢిల్లీ సీఎం కేజ్రీవాల్‌CM Kejriwal), కవిత అరెస్టులు జరిగిన విషయం తెలిసిందే.
చదవండి : ఆర్థికంగా ఎదగాలంటే మీరు చేయాల్సింది ఇదే..!
ఇదిలా ఉండగా ఎమ్మెల్సీ కవిత((MLC Kavitha) ఈడీ కస్టడీ నేటితో ముగియనుంది. అధికారులు ఆమెను ఈ మధ్యాహ్నం 12:30 గంటలకు రౌస్‌ అవెన్యూ కోర్టులో ప్రవేశ పెడతారు. కవితను మరో మూడు రోజుల పాటు తమ కస్టడీలో ఉంచాలని ఈడీ కోరే అవకాశాలు ఉన్నాయి. కేజ్రీవాల్‌, కవితలు ఇద్దరినీ కలిపి ఒకే సారి ప్రశ్నించే యోచనలో ఈడీ ఉన్నట్లు తెలుస్తోంది. అందుకనే ఈ మేరకు కస్టడీ గడువును పెంచమని వారు కోర్టును కోరే అవకాశాలున్నట్లు సమాచారం.
