iPhone 15 మోడల్స్ రిలీజ్..నెటిజన్ల ట్రోల్స్

iPhone 15 models release in market Trolls of netizens

ఎప్పటి నుంచో ఎంతో ఆసక్తిగా ఎదురుచూస్తున్న ఐఫోన్ 15(iPhone 15) సిరీస్‌ మోడల్ ఫోన్లను ఆపిల్ సంస్థ మంగళవారం ‘వండర్‌లస్ట్’ లాంచ్ ఈవెంట్‌ వేడుకలో ఆవిష్కరించింది. అయితే పలు మోడల్ ఫోన్స్ రిలీజ్ చేసిన నేపథ్యంలో సోషల్ మీడియాలో నెటిజన్లు పాత వీడియోలతోపాటు పలు ఓల్డ్ మోడళ్లను ట్రోల్ చేస్తున్నారు. ఈ నేపథ్యంలో ప్రస్తుతం #Appleevent హ్యాష్ ట్యాగ్ ట్రిట్టర్లో ట్రైండింగ్ గా మారింది. అంతేకాదు USB-C ఛార్జింగ్ టెక్నాలజీని కంపెనీ ఆలస్యంగా ప్రకటించడంపై పలువురు వ్యంగ్యంగా కామెంట్లు చేస్తున్నారు. ఇంకొంతమంది వినియోగదారులు Apple CEO టిమ్ కుక్ పాత వీడియోలను కూడా పంచుకున్నారు.

https://x.com/TicTocTick/status/1701691734910976154?s=20

ఇక తొలిసారిగా ‘మేక్ ఇన్ ఇండియా’ ఐఫోన్ 15 మోడల్ సెప్టెంబర్ 22 నుంచి ఇండియా(india)లో అందుబాటులోకి రానుంది. iPhone 15, Phone 15 Plus మోడల్ ఫోన్స్ పింక్, పసుపు, ఆకుపచ్చ, నీలం, నలుపు రంగులలో లభిస్తాయి. 128GB, 256GB, 512GB స్టోరేజ్ కెపాసిటీని బట్టి రూ.79,900, రూ.89,900 ధరల్లో లభ్యమవుతాయి. ఇక iPhone 15 Pro రూ.1,34,900 నుంచి ప్రారంభమవుతుంది. ఇది 128GB, 256GB, 512GB, 1TB స్టోరేజ్ కెపాసిటీలలో లభిస్తుంది. iPhone 15 Pro Max రూ.159,900 నుంచి మొదలవుతుంది. ఇది కూడా 256GB, 512GB, 1TB స్టోరేజ్ కెపాసిటీలలో లభ్యం కానుంది.

https://x.com/Loki_Naidu_/status/1701657942859342073?s=20

https://x.com/merricklackner/status/1701749601383100821?s=20

iPhone 15.. 6.1-అంగుళాల సూపర్ రెటినా XDR OLED డిస్‌ప్లేను కలిగి ఉంది. iPhone 15, iPhone 15 Plus, iPhone 14 Pro, Pro Max మోడళ్లు A16 బయోనిక్ చిప్ ప్రాసెసర్తో వస్తున్నాయి. iPhone 15 సిరీస్‌లో 48MP ప్రైమరీ సెన్సార్ కెమెరా, 12MP టెలిఫోటో లెన్స్‌తో కూడిన డ్యూయల్ కెమెరా సెటప్ ఉంది. 12MP ఫ్రంట్ కెమెరా కూడా ఉంది. ఇక బ్యాటరీ లైఫ్ విషయానికి వస్తే ఐఫోన్ 15 రోజంతా బ్యాటరీ లైఫ్‌తో వస్తుందని ఆపిల్ తెలిపింది. కనెక్టివిటీ ఐఫోన్ 15, ఐఫోన్ 15 ప్లస్‌లు లైట్నింగ్ పోర్ట్ స్థానంలో టైప్-సి పోర్ట్‌తో వస్తున్నాయి. దీంతోపాటు అదనంగా, iPhoneలు MagSafe ఛార్జింగ్‌కు కూడా సపోర్ట్ చేయనున్నాయి.

ఇది కూడా చూడండి: ISRO: జాబిల్లిపై నిద్రపోతున్న చంద్రయాన్3.. ఫోటోలు షేర్ చేసిన ఇస్రో