Pani Puri Games On Google Doodle Occasion Of Anniversary
Google : భారతీయ వినియోగదారుల డేటాను సేకరిస్తున్న 17 యాప్‌లను ప్లే స్టోర్ నుంచి గూగుల్ తొలగించింది. పరిశోధకులచే “స్పైలోన్” యాప్‌లుగా పిలువబడే ఈ యాప్‌లు, వినియోగదారులు లోన్ ప్రొవైడర్‌లపై ఉంచే నమ్మకాన్ని సద్వినియోగం చేసుకునేలా రూపొందించబడ్డాయి. ఈ హానికరమైన యాప్‌లు వారి వ్యక్తిగత డేటాను యాక్సెస్ చేయడానికి వివిధ అనుమతులు ఇచ్చేలా వినియోగదారులను మోసగించాయి. ఇన్‌స్టాల్ చేసిన తర్వాత, యాప్‌లు కాంటాక్ట్ లిస్ట్‌లు, SMS, ఫోటోలు, బ్రౌజింగ్ హిస్టరీతో సహా అనేక రకాల సమాచారాన్ని దొంగిలిస్తాయి. ఈ డేటాను బ్లాక్ మెయిల్ చేయడానికి, అధిక వడ్డీ రేట్లతో రుణాలు తిరిగి చెల్లించమని బాధితులను వేధించడానికి ఉపయోగించబడింది. ఈ యాప్‌లు భారతదేశం, పాకిస్తాన్, థాయిలాండ్, వియత్నాం, మెక్సికో, ఇండోనేషియా, కొలంబియా, ఈజిప్ట్, కెన్యా, పెరూ, ఫిలిప్పీన్స్, సింగపూర్, నైజీరియా వంటి దేశాల్లో పని చేస్తున్నాయి. ఈ యాప్‌లను ప్లే స్టోర్ నుండి తొలగించకముందే 12 మిలియన్ల మందికి పైగా డౌన్‌లోడ్ చేసుకున్నారని పరిశోధకులు భావిస్తున్నారు.
చదవండి:Netflix CEOకు ఎన్టీఆర్ పార్టీ..పిక్స్ వైరల్
ఈ యాప్‌లు ఎలా పని చేస్తాయి
స్పైలోన్ యాప్‌లను డౌన్‌లోడ్ చేసేలా వినియోగదారులను మోసగించడానికి చట్టబద్ధమైన రుణ ప్రదాతలుగా వ్యవహరిస్తున్నట్లు పరిశోధకులు కనుగొన్నారు. ఇన్‌స్టాల్ చేసిన తర్వాత, ఈ యాప్‌లు తెలియకుండానే మంజూరు చేసిన అనుమతుల ద్వారా వినియోగదారుల వ్యక్తిగత సమాచారానికి యాక్సెస్‌ను పొందుతాయి. స్పైలోన్ యాప్ ఇన్‌స్టాల్ చేయబడినప్పుడు, పరికరంలో సేవ్ చేయబడిన సున్నితమైన డేటాను యాక్సెస్ చేయడానికి వినియోగదారు సేవా నిబంధనలను అంగీకరించాలి. విస్తృతమైన అనుమతులను(grant extensive permissions) మంజూరు చేయాలి.
చదవండి:Raja Singh: రేపు అసెంబ్లీని బహిష్కరిస్తున్నాం : రాజాసింగ్
