T20 World Cup 2024 : టీ 20 ప్రపంచకప్‌ ముగిసింది. భారత్‌ విశ్వ విజేతగా నిలిచింది. ఈ టోర్నమెంట్‌లో ఆడిన బెస్ట్‌ ఆటగాళ్లు అందరితో ఐసీసీ ‘టీం ఆఫ్ ద టోర్నమెంట్‌’ని(Team Of The Tournament) ప్రకటించింది. ఆ టీం 11 మందిలో మనోళ్లు ఏకంగా ఆరుగురు చోటు దక్కించుకున్నారు. కోహ్లీకి మాత్రం ఇందులో చోటు దక్కలేదు. సోమవారం ఐసీసీ ఈ టీం వివరాలను అధికారికంగా ప్రకటించింది.
చదవండి : అనుకోకుండా లాంచ్‌ అయిన రాకెట్‌.. వీడియో వైరల్‌
వరల్డ్‌ కప్‌ విన్నింగ్‌ జట్టు నుంచి మనోళ్లు ఆరుగురు చోటు దక్కించుకున్నారు. అయితే రన్నరప్‌గా నిలిచిన దక్షిణాఫ్రికా జట్టు నుంచి ఈ టీంలో ఒక్కరికి కూడా చోటు దక్కలేదు. ఈ టీంలో భారత క్రికెటర్లు కెప్టెన్‌ రోహిత్‌ శర్మ, వైస్‌ కెప్టెన్‌ హార్దిక్‌ పాండ్యా, సూర్య కుమార్‌ యాదవ్‌, జస్‌ప్రీత్‌ బూమ్రా, అక్షర్‌ పటేల్‌, అర్షదీప్‌ సింగ్‌లకు చోటు దక్కింది. 2024 టీ 20 ప్రపంచ కప్‌(T20 World Cup) ఫైనల్‌లో ప్లేయర్‌ ఆఫ్ ద మ్యాచ్‌గా నిలిచిన కోహ్లీకి మాత్రం ఈ టీంలో చోటు దక్కకపోవడం గమనార్హం.
చదవండి : నన్ను అలా చూడొద్దు.. అర్జునిడిగానే చూడండి : విజయ్‌ దేవరకొండ
మొత్తం పదకొండు మంది సభ్యలు జట్టులో మనవాళ్లతో పాటుగా చోటు దక్కించుకున్న విదేశీ ఆటగాళ్ల వివరాలు ఇలా ఉన్నాయి. అఫ్ఘనిస్థాన్‌ కెప్టెన్‌ రషీద్‌ ఖాన్‌, అప్ఘన్‌ ఓపెనర్‌ రహ్మనుల్లా గుర్బాజ్‌, ఫజల్‌ హక్‌ ఫరూకీలు ఉన్నారు. వెస్టిండీస్‌ జట్టు నుంచి నికోలస్‌ పూరన్‌, ఆస్ట్రేలియన్‌ ఆల్‌ రౌండర్‌ మార్కస్‌ స్టోయినిస్‌లు చోటు దక్కించుకున్నారు. దక్షిణాఫ్రికా జట్టు నుంచి అన్రిచ్‌ నోర్జే మాత్రం 12వ ప్లేయర్‌గా ఎంపికయ్యాడు.
