Jio Cinema Free Streaming Of India-Australia Series
Jio Cinema: ముఖేశ్ అంబానీకి చెందిన రిలయన్స్ జియో సినిమా (Jio Cinema) మరో కీలక నిర్ణయం తీసుకుంది. ఇప్పటికే ఐపీఎల్ ఫ్రీగా ప్రసారం చేసిన సంగతి తెలిసిందే. ఇప్పుడు మరో సిరీస్ కూడా ఉచితంగా స్ట్రీమింగ్ చేయనుంది. ఆసియా కప్ తర్వాత ఆస్ట్రేలియాతో టీమిండియా మూడు వన్డేల సిరీస్ ఆడనుంది. ఆ సిరీస్ కూడా జియో ఫ్రీగా స్ట్రీమింగ్ చేస్తానని ప్రకటించింది. మొత్తం 11 భాషల్లో కామెంటరీ రానుంది.
చదవండి: Hardik Pandya: హార్దిక్ పాండ్యాను పొగడ్తలతో ముంచేసిన టీం ఇండియా కోచ్.. ఏమన్నాడంటే?
ఆస్ట్రేలియాతో సిరీస్ బ్రాడ్ కాస్ట్ హక్కులను వయాకామ్ 18 దక్కించుకుంది. ఇందులో జియో సినిమా (Jio Cinema) భాగస్వామ్యం ఉంది. అందుకే ఆ సిరీస్ కూడా లైవ్ ఇవ్వనుంది. ఇంగ్లీష్, హిందీ, తెలుగు, కన్నడ, తమిళం, మలయాళం, భోజ్ పురి, గుజరాతీ, మరాఠీ, బెంగాళీ, పంజాబీ భాషల కామెంటరీలో మ్యాచ్ ప్రసారం అవుతుంది. ఇదివరకు ఐపీఎల్ ఉచితంగా ప్రసారం చేయడంతో.. జియో సినిమా ఓటీటీకి మంచి ఆదరణ లభించింది.
తర్వాత యూజర్ల తగ్గారు. అయినప్పటికీ కొన్ని సినిమాలు/ వెబ్ సిరీస్ ఫ్రీగానే ఇస్తోంది. ఇప్పుడు మరోసారి ఉచితంగా ఇచ్చి ఆకట్టుకోవాలని అనుకుంటోంది. ఓటీటీలో నెట్ ప్లిక్స్, డిస్నీ ప్లస్ హాట్ స్టార్, అమెజాన్ పోటీని తట్టుకొని నిలబడాలంటే ఆ మాత్రం సర్వీస్ చేయాల్సి ఉంటుంది.
