టెస్ట్ మ్యాచుల్లో 500 వికెట్ల క్లబ్ లోకి ఆస్ట్రేలియా స్పిన్నర్ నాథన్ లియోన్ చేరాడు. పెర్త్ వేదికగా పాకిస్తాన్ జట్టుతో జరిగిన తొలి టెస్ట్ మ్యాచ్‌లో లియోన్ ఈ ఘనత సాధించాడు. సుదీర్ఘ ఫార్మాట్లో 500కు పైగా వికెట్ల తీసిన మూడో ఆస్ట్రేలియా బౌలర్‌గా లియోన్ రికార్డుకెక్కాడు. ప్రపంచవ్యాప్తంగా చూస్తే 8వ బౌలర్‌గా ఉన్నాడు. 36 ఏళ్ల లియోన్ 123 మ్యాచుల్లోనే ఈ రికార్డును నెలకొల్పడంతో ఆయన అభిమానులు శుభాకాంక్షలు తెలుపుతున్నారు.
Nathan Lyon ticks off another milestone as Australia go 1-0 up in the Test series 🔥#WTC25 | #AUSvPAKhttps://t.co/mikQmUKdZ5
— ICC (@ICC) December 17, 2023
ఆస్ట్రేలియా త‌రుపున టెస్టు క్రికెట్‌లో 500 వికెట్లు తీసిన ఆట‌గాళ్ల జాబితాలో లియోన్ మూడో స్థానంలో నిలిచాడు. అత‌డి కంటే ముందు షేన్ వార్న్ 708 వికెట్లు, గ్లెన్ మెక్‌గ్రాత్ 563 వికెట్లను తీశారు. ఇకపోతే ఓవ‌రాల్‌లో అంతర్జాతీయ క్రికెట్‌లో ఎనిమిదో ఆట‌గాడిగా లియోన్ రికార్డుకెక్కాడు. ఇక భారత స్పిన్నర్ రవించంద్రన్ అశ్విన్ కూడా 94 టెస్ట్ మ్యాచులు ఆడి ఇప్పటి వరకూ 489 వికెట్లను పడగొట్టాడు. త్వరలోనే అశ్విన్ కూడా 500 వికెట్ల క్లబ్ లోకి చేరే అవకాశం ఉంది.
చదవండి: Rohit Sharma: ముంబయి ఇండియన్స్ సోషల్ మీడియా అకౌంట్స్ డౌన్
టెస్టు క్రికెట్‌లో అత్య‌ధిక వికెట్లు తీసిన బౌల‌ర్లు వీరే:
ముత్తయ్య మురళీధరన్ (శ్రీలంక) – 800 వికెట్లు
షేన్ వార్న్ (ఆస్ట్రేలియా) – 708
జేమ్స్ ఆండర్సన్(ఇంగ్లాండ్‌) – 690
అనిల్ కుంబ్లే (భార‌త్‌) – 619
స్టువర్ట్ బ్రాడ్ (ఇంగ్లాండ్‌) – 604
గ్లెన్ మెక్‌గ్రాత్ (ఆస్ట్రేలియా) – 563
కోర్ట్నీ వాల్ష్ (వెస్టిండీస్‌) – 519
నాథన్ లియోన్ (ఆస్ట్రేలియా) – 501
