Followers are unfollowing on Mumbai Indians social media accounts due to change of captain Rohit Sharma
Rohit Sharma: ముంబయి ఇండియన్స్ కెప్టెన్ మార్పుపై క్రికెట్ అభిమానులు అసంతృప్తిని కనబరుస్తున్నారు. ఐదు సార్లు కప్ గెలిపించిన కెప్టెన్ రోహిత్ శర్మ(Rohit Sharma) స్థానంలో హార్దిక్‌ పాండ్య(Hardik Pandya)ను తీసుకురావడంతో ఫ్యాన్స్ ఒప్పుకోవడం లేదు. ఇప్పటికే సోషల్ మీడియా వేదికగా ఈ ఫ్రాంచైజీపై నెగిటివ్ కామెంట్స్ పెడుతూ రచ్చ చేస్తున్నారు. తాజాగా సోషల్ మీడియాలో (Social Media) ముంబయి ఇండియన్స్ హ్యాండిల్స్ నుంచి అన్‌ఫాలో అవుతున్నారు. రోహిత్ శర్మ అభిమానులు మండిపడుతున్నారు.
చదవండి:CM Revanth: పిల్లి శాపనార్థాలకు ఉట్లు తెగిపడవు, కేటీఆర్‌పై సీఎం రేవంత్ విసుర్లు
ముంబయి ఇండియన్స్ అనే ఎక్స్‌(X) అకౌంట్‌కు గతంలో 8.6 మిలియన్ల ఫాలోవర్లు ఉన్నారు. ఇప్పుడు ఆ సంఖ్య 8.2 మిలియన్లకు తగ్గింది. సుమారు 4 లక్షల మంది ఫాలోవర్లు అన్‌ఫాలో అయ్యారు. అలాగే ఇన్‌స్టాగ్రామ్‌(Instagram)లోనూ 12.8 మిలియన్ల మంది ఫాలోవర్స్ ఉండే ఇప్పుడు 12.7 మిలయన్స్ ఫాలోవర్స్ ఉన్నారు. ఒకవేళ ఈ సీజన్‌లో రోహిత్ శర్మ ఆడకపోతే మరింతమంది ఫాలోవర్లను కోల్పోయే ప్రమాదం ఉంది. రోహిత్ శర్మను కెప్టెన్సీ నుంచి తప్పించడంతో ఫ్యాన్స్ ఆందోళన చెందుతున్నారు.
