An engineering student jumped off a building to get a haircut
Viral News: ఈ రోజుల్లో పిల్లలను ఏదైనా అనాలంటే ఒకటి రెండు సార్లు ఆలోచించాల్సిన పరిస్థితి. ప్రతీ చిన్న విషయాన్ని చాలా సున్నితంగా తీసుకొని బలవన్మరణాలకు పాల్పడుతున్నారు. తాజాగా చోటుచేసుకున్న ఓ సంఘటనే ఇందుకు ఉదాహరణ. జుట్టు కత్తిరించుకో అని ప్రొఫెసర్ అన్నందుకు ఓ విద్యార్థి బిల్డింగ్ నుంచి కిందకు దూకేశాడు. సిద్దిపేట జిల్లా చిన్నకోడూర్‌ మండలం చంద్లాపూర్‌కు చెందిన నక్కిరెడ్డి జ్ఞానేశ్వర్‌రెడ్డి(19) ఘట్‌కేసర్‌‌లోని అనురాగ్ ఇంజనీరింగ్ కాలేజీలో సీఎస్‌ఈ మొదటి సంవత్సరం చదువుతున్నాడు. తోటి విద్యార్థుల ముందు జుట్టు కత్తిరించుకోవాలని అవమానించాడని జ్ఞానేశ్వర్‌రెడ్డి ఆత్మహత్యాయత్నం చేశాడు. కాలేజ్ డీన్ వీఎస్‌రావు అవమానించడంతోనే ఆత్మహత్యాయత్నం చేశాడని విద్యార్థి సోదరుడు స్వాతిక్‌రెడ్డి పోలీసులకు ఫిర్యాదు చేశాడు.
చదవండి:Harish Rao: బీఆర్‌ఎస్‌ను తిట్టడానికే రేవంత్ రెడ్డికి సరిపోతుంది
విచారించిన పోలీసులు తెలిపిన వివరాల ప్రకారం.. జ్ఞానేశ్వర్‌రెడ్డి కొన్ని రోజులుగా కాలేజీకు ఆలస్యంగా వస్తున్నాడని, దాంతో పాటు మొదటి సెమి‌స్టర్‌లో అన్ని సబ్జెక్టులలో ఫెయిల్‌ అయ్యాడని.. అందుకే ఆ విద్యార్థికి డీన్ వీఎస్‌రావు విద్యార్థికి కౌన్సెలింగ్‌ ఇవ్వడంతో పాటు, కటింగ్‌ చేయించుకోవాలని సూచించారు. తోటి విద్యార్థులు ముందు అవమానంగా భావించిన జ్ఞానేశ్వర్‌రెడ్డి కళాశాల రెండో అంతస్తు నుంచి కింద దూకేశాడు. వెంటనే అతన్ని ఆసుపత్రిలో చేర్పించారు. ప్రస్తుతం అతన్ని ఆరోగ్యం బాగనే ఉందని పోలీసులు పేర్కొన్నారు.
చదవండి:KCR: ప్రతిపక్ష నేతగా తొలిసారి అసెంబ్లీకి రానున్న కేసీఆర్
