తెలంగాణ మంత్రి ఎర్రబెల్లి దయాకర్ రావు సోదరుడు ఎర్రబెల్లి ప్రదీప్ రావుకు ఊహించని షాక్ తగిలింది. ప్రదీప్ రావుకి ఉన్న సెక్యూరిటీని ప్రభుత్వం తొలగిస్తూ నిర్ణయం తీసుకుంది. ఇప్పటి వరకు ప్రదీప్ రావుకు ఉన్న గన్ మెన్ లను తొలగిస్తూ… ప్రభుత్వం ఉత్తర్వులు జారీ చేసింది. కాగా.. తన సెక్యూరిటీని తొలగించడం పట్ల… ఆయన ఆగ్రహం, అసహనం వ్యక్తం చేశారు.
తాను బీజేపీలో చేరినందుకే గన్మెన్లను ప్రభుత్వం తొలగించిందని ప్రదీప్‌రావు ఆరోపణలు చేశారు. ఓ ఎమ్మెల్యే నా అంతు చూస్తానని బెదిరిస్తున్నాడు. ఇలాంటి సమయంలో గన్‌మెన్‌ల తొలగింపు కక్షసాధింపు చర్యే అంటూ ప్రదీప్‌రావు మండిపడ్డారు. వెంటనే తనకు భద్రత పెంచాలని డిమాండ్‌ చేశారు. ఇక ప్రదీప్ రావు కు ఏడేళ్లుగా నలుగురు గన్‌మెన్లు ప్రదీప్‌రావుకు భద్రత కల్పిస్తున్నారు. ఇప్పుడు, ఆ నలుగురు గన్మెన్లను పోలీస్ హెడ్‌క్వార్టర్స్‌లో రిపోర్ట్ చేయాలని ఆదేశించింది ప్రభుత్వం.
ఈ మధ్యనే ప్రదీప్ రావు టిఆర్ఎస్ ను వీడి బిజెపి లో చేరడం జరిగింది. పార్టీలో తనకు విలువలేదని అందుకనే రాజీనామా చేసినట్లు ఎర్రబెల్లి ప్రదీప్ రావు చెప్పుకొచ్చారు. ఇదే క్రమంలో ఎమ్మెల్యే నరేందర్ ను ఉద్దేశించి పలు ఆరోపణలు చేసారు.
