Sugar Price Hike: పెరుగుతున్న చక్కెర ధరల కారణంగా ప్రపంచవ్యాప్తంగా ప్రజల వంటగది బడ్జెట్ తారుమారైంది. సరఫరా, డిమాండ్ మధ్య భారీ వ్యత్యాసం కారణంగా చక్కెర ధర 12 సంవత్సరాలలో గరిష్ట స్థాయికి చేరుకుంది. సెప్టెంబర్ 19న చక్కెర ధర 27.5 డాలర్లకు పెరిగింది. ఇలాంటి పరిస్థితుల్లో ఈ ఏడాది ఇప్పటి వరకు చక్కెర ధర దాదాపు 30 శాతం మేర పెరిగినట్లు చెబుతున్నారు. విశేషమేమిటంటే, పెరుగుతున్న పంచదార ధర అమెరికాను తాకలేదు. ఇక్కడ చక్కెర ఇప్పటికీ సుమారు 27డాలర్లకు అమ్ముడవుతోంది.
చదవండి:Sydney : చాకుతో 30 సార్లు మెడ‌పై పొడిచి.. త‌ల్లిని హ‌త్య చేసిన కూతురు
భారత్‌లో చక్కెర ఉత్పత్తి ప్రభావం వల్ల భారత్‌లోనే కాకుండా ప్రపంచం మొత్తం మీద ద్రవ్యోల్బణం పెరిగిందని వ్యాపార నిపుణులు అంటున్నారు. దాదాపు అన్ని దేశాల్లో చక్కెర ధర ఆకాశాన్ని తాకింది. పండుగల సీజన్‌ను దృష్టిలో ఉంచుకుని భారతదేశంలో కేంద్ర ప్రభుత్వం పెరుగుతున్న చక్కెర ధరపై పన్ను విధించేందుకు సిద్ధమైంది. ప్రభుత్వం బహిరంగ మార్కెట్‌లో 13 లక్షల టన్నుల చక్కెర కోటా విడుదల చేయవచ్చు. అదే సమయంలో, గత రెండు నెలలుగా ప్రభుత్వం చక్కెరను నిరంతరం పర్యవేక్షిస్తోందని ప్రముఖ నిపుణుడు చెప్పుతున్నారు. ప్రభుత్వం కూడా ఎప్పటికప్పుడు చర్యలు తీసుకుంటోంది. దుర్గాపూజ, దీపావళి వంటి పండుగల సమయంలో మార్కెట్‌లో చక్కెర సరఫరాపై ప్రభావం పడకుండా ధరలు అదుపులో ఉండేలా ప్రభుత్వం ప్రయత్నిస్తోంది.
చదవండి:Fire Accident : పెళ్లి వేడుకలో అగ్నిప్రమాదం100 మంది మృతి
కరువు, తక్కువ వర్షపాతం కారణంగా భారతదేశంతో పాటు థాయ్‌లాండ్‌లో చక్కెర ఉత్పత్తి తగ్గింది. దీంతో చక్కెర ధరలు పెరుగుతున్నాయి. ప్రపంచ వ్యాప్తంగా అత్యధికంగా చక్కెర ఉత్పత్తి చేసే దేశం బ్రెజిల్. ఇదిలావుండగా అంతర్జాతీయ మార్కెట్‌లో చక్కెర ధర పెరుగుతోంది. గత వారం రోజుల్లోనే అంతర్జాతీయ మార్కెట్‌లో చక్కెర ధర 0.22 శాతం పెరిగింది. గత నెలలో చక్కెర ధరలో 13 శాతం పెరుగుదల నమోదైంది. కాగా, ఒక్క ఏడాదిలోనే 48 శాతం మేర ఖరీదైనది.
