HYD: నిబంధనలకు విరుద్ధంగా, అక్రమంగా నిర్వహిస్తున్న బెల్టుషాపులపై పహాడీషరీఫ్ పోలీసులు కొరడా ఝుళిపించారు. గుట్టుచప్పుడు కాకుండా మద్యం విక్రయిస్తున్న స్థావరంపై దాడులు చేసి భారీగా మద్యాన్ని స్వాధీనం చేసుకున్నారు. సుమారు రూ. 17 వేల విలువైన 88 మద్యం బాటిళ్లను స్వాధీనం చేసుకున్నట్లు పోలీసులు తెలిపారు. నిందితుడు శివకుమార్ను అరెస్ట్ చేసి, కేసు నమోదు చేసుకున్నారు.
సత్యసాయి: మంగళగిరిలోని TDP కార్యాలయంలో మడకశిర నియోజకవర్గ క్లస్టర్ కన్వీనర్ల శిక్షణ తరగతులు గురువారం జరిగాయి. మడకశిర, గుడిబండ, రొళ్ల, అగళి, అమరాపురం మండలాల నుంచి కన్వీనర్లు హాజరయ్యారు. పార్టీ బలోపేతం, భవిష్యత్తు కార్యాచరణపై నాయకులు వీరికి దిశానిర్దేశం చేశారు. క్షేత్రస్థాయిలో పార్టీ కార్యక్రమాలను ప్రజల్లోకి తీసుకెళ్లే అంశాలపై శిక్షణ ఇచ్చారు.
‘రై రై రారా’ పాట వెనుక దర్శకుడు బుచ్చిబాబు సానా పట్టుదల ఎంతో ఉందని అనంత శ్రీరామ్ కొనియాడాడు. ఈ పాట సాహిత్యం కోసం వారిద్దరూ ఎన్నో రాత్రులు రింగ్ రోడ్డుపై ప్రయాణిస్తూ, కాఫీ షాపుల్లో చర్చించారట. రెండు నెలల మథనం తర్వాతే ఈ పాట పుట్టిందని, భవిష్యత్ తరాలకు సందేశం ఇచ్చేలా పాట ఉంటుందని పేర్కొన్నాడు. సాహిత్యం పట్ల నెటిజన్ల నుంచి వస్తున్న ప్రశంసలపై ఆయన ఆనందం వ్యక్తం చేశాడు.
MDK: తూప్రాన్ డివిజన్లో విద్యుత్ సమస్యల పరిష్కారానికి ప్రజా బాట నిర్వహిస్తున్నట్లు తూప్రాన్ విద్యుత్ శాఖ డీఈ గరత్మంత్ రాజ్ పేర్కొన్నారు. తూప్రాన్ మండలం నాగులపల్లి శివారులోని వీరబ్రహ్మేంద్ర స్వామి ఆలయం వద్ద ప్రజాబాట కార్యక్రమం చేపట్టారు. విద్యుత్ సమస్యలను దృష్టికి తీసుకువస్తే పరిష్కరిస్తామని పేర్కొన్నారు. ఏడిఈ శ్రీనివాస్, ఏఈ వెంకటేశ్వర్లు తెలిపారు.
SRPT: సూర్యాపేట జిల్లాలోని 3,55,057 రేషన్ కార్డుదారులకు ఏప్రిల్, మే, జూన్ నెలల కోటాను ఏప్రిల్లోనే పంపిణీ చేయాలని కేంద్రం నిర్ణయించింది. గోదాముల్లో నిల్వలు పెరగడం, వేసవి దృష్ట్యా ఈ ముందస్తు పంపిణీకి ఆదేశాలు జారీ చేసింది. జిల్లాలోని 610 రేషన్ షాపుల ద్వారా నెలకు 6 వేల మెట్రిక్ టన్నుల బియ్యం పంపిణీ కానుంది.
RR: 765 KV హై టెన్షన్ భూ నిర్వాసితులకు న్యాయం చేయాలని రంగారెడ్డి జిల్లా జాయింట్ కలెక్టర్ చంద్రారెడ్డికి భూ బాధితులు, నాయకులు వినతిని అందించినట్లు తెలిపారు. బీదర్ నుంచి మహేశ్వరం వరకు నిర్మిస్తున్న 765కేవీ హై టెన్షన్ విద్యుత్ మార్గం కోసం ఏర్పాటు చేస్తున్న వైర్లు, టవర్లతో కడ్తాల్ (M) రైతులు తీవ్రంగా నష్టపోతున్నారని బాధిత రైతులకు సరైన న్యాయం చేయాలని కోరారు.
BHNG: రాబోయే రంజాన్ పండుగను ప్రశాంతంగా, సామరస్య వాతావరణంలో నిర్వహించుకోవాలని స్థానిక సంస్థల అదనపు కలెక్టర్ భాస్కర్ రావు అన్నారు. బుధవారం కలెక్టరేట్లోని మినీ మీటింగ్ హాలులో వివిధ శాఖల అధికారులు, ముస్లిం మత పెద్దలు, వివిధ కుల సంఘాల నాయకులతో అడిషనల్ ఎస్పీ లక్ష్మీ నారాయణతో కలిసి అదనపు కలెక్టర్ పీస్ కమిటీ సమావేశం నిర్వహించారు.
SRD: జిల్లాలో ఇంటర్మీడియట్ పరీక్షలు 7వ రోజు ప్రశాంతంగా కొనసాగుతున్నాయి. గురువారం ఉదయం జిన్నారం ప్రభుత్వ జూనియర్ కళాశాల పరీక్షా కేంద్రంలో ఇంటర్ ఫస్ట్ ఇయర్ మ్యాథ్స్, జువాలజీ పరీక్షలకు 179 విద్యార్థులు హాజరుకానునట్లు ప్రిన్సిపాల్ కళింగ కృష్ణ తెలిపారు. కేంద్రంలో విద్యార్థులకు అవసరమైన మౌలిక వసతులు కల్పించినట్లు చెప్పారు.
NRPT: పవిత్ర రంజాన్ మాసాన్ని పురస్కరించుకుని ధన్వాడలో జ్యోతి రాఘవేంద్రరెడ్డి ఆధ్వర్యంలో బుధవారం రాత్రి ఇఫ్తార్ విందు ఏర్పాటు చేశారు. హిందూ, ముస్లింలు భాయి-భాయిగా మెలుగుతూ మతసామరస్యాన్ని కాపాడాలని ఆయన పిలుపునిచ్చారు. చిట్టెం మాధవరెడ్డి, ఇక్బాల్ ఖాన్, ఉపసర్పంచ్ నర్సింలు, ఇతర అఖిలపక్ష నాయకులు పాల్గొని ముస్లింలకు రంజాన్ శుభాకాంక్షలు తెలిపారు.
KRNL: పత్తికొండ శ్రీ వైష్ణవి డిగ్రీ కళాశాలలో శుక్రవారం జాబ్ మేళా నిర్వహిస్తునట్లు జిల్లా స్కిల్ డెవలప్మెంట్ అధికారి ఆనంద్ రాజ్ కుమార్ ఓ ప్రకటనలో తెలిపారు. ఈ జాబ్ మేళాలో వివిధ కంపెనీలలో 395 ఉద్యోగ ఖాళీలు భర్తీ చేస్తామన్నారు. టెన్త్, ఇంటర్, డిగ్రీ, డిప్లొమా, ఫార్మసీ చదివిన వారు అర్హులని పేర్కొన్నారు. వయసు 18-40 ఏళ్ల మధ్య ఉండాలని పేర్కొన్నారు.
PPM: మార్ట్ (Manyam Agri Rural Transformation) ప్రాజెక్టు జిల్లా ప్రగతికి సరికొత్త బాట వేయనుందని కలెక్టర్ డా. ప్రభాకర రెడ్డి ఆకాంక్షించారు. దీనికి సంబంధించి ప్రతి శాఖాధికారి చేపట్టబోయే కార్యాచరణ ప్రణాళికలతో వ్యవసాయ అనుబంధ రంగాల రైతులు, మహిళ ఆదాయం రెట్టింపు కావాలని ఆశాభావం వ్యక్తం చేశారు. బుధవారం ఆయన ఛాంబర్లో మార్ట్ ఏర్పాటుపై అధికారులతో సమీక్షించారు.
WNP: పెద్దమందడి మండల కేంద్రంలో ఎంపీడీవో కార్యాలయం సమీపంలో మురుగు కాలువలు లేక అవస్థలు పడుతున్నారు. సమీప ఇల్లు, దుకాణాల నుంచి వచ్చే మరుగు రోడ్ల పక్కన నిలుస్తుంది. కాలి ప్లాట్లలో మురుగుతో చేరి దోమలు వృద్ధి చెందుతున్నాయని వాపోతున్నారు. స్థానికులు నాయకులు సమస్యను ప్రజాప్రతినిధులు, అధికారులు దృష్టికి తీసుకెళ్లిన పట్టించుకోవడం లేదన్నారు.
TG: హైదరాబాద్ నాగోల్లో ఇవాళ BRS వర్కింగ్ ప్రెసిడెంట్ కేటీఆర్, ఇతర కీలక నేతలు పర్యటించనున్నారు. గత BRS ప్రభుత్వ హయాంలో మూసీ నది పునరుజ్జీవం, అభివృద్ధి కోసం చేపట్టిన పనులను వారు క్షేత్రస్థాయిలో పరిశీలించనున్నారు. మూసీ ప్రక్షాళనపై గతంలో తాము చేసిన కృషిని వివరిస్తూనే, ప్రస్తుత ప్రభుత్వ వైఖరిని ఎండగట్టడమే లక్ష్యంగా ఈ పర్యటన సాగనుంది.
MBNR: జడ్చర్ల మండలం రామస్వామి గుట్ట తండాలో దుర్గామాత, సంత్ సేవాలాల్ మహారాజ్ జాతర బ్రహ్మోత్సవాలు నేడు ప్రారంభం కానున్నాయి . గురువారం ఉదయం అమ్మవారికి అభిషేకం, పల్లకి సేవ నిర్వహించనుండగా, సాయంత్రం 4 గంటలకు హారతి, శకటోత్సవం చేపట్టనున్నట్లు పూజారి చందు భగత్ తెలిపారు. భక్తుల కోసం అన్ని రకాల వసతులు కల్పించినట్లు ఆలయ కమిటీ పేర్కొంది.
గుంటూరు ప్రభుత్వ వైద్యశాల (జీజీహెచ్)లో రోగులకు మెరుగైన వైద్యం అందించాలని, వైద్యులు నిబద్ధతతో పనిచేయాలని కలెక్టర్ ఏ. తమీమ్ అన్సారియా అధికారులను ఆదేశించారు. బుధవారం జరిగిన సమీక్షా సమావేశంలో ఆయన నైట్ షిఫ్టులు, క్యాజువాలిటీ, రెసిడెన్షియల్ మెడికల్ ఆఫీసర్ల విధులపై అధికారులను వివరాలు అడిగి తెలుసుకున్నారు.
