Viral News: ప్రస్తుతం మనిషి తన మీద కంటే టెక్నాలజీ నే గుడ్డిగా నమ్మేస్తున్నాడు. మనిషి తప్పు చేయవచ్చు గానీ సాంకేతిక పరికరాలు ఎట్టి పరిస్థితుల్లో తప్పు చేయవని అతడి నమ్మకం. ఇలా గుడ్డిగా నమ్ముకున్నా కొంత మంది పర్యాటకులు ఇబ్బందుల్లో పడ్డారు. ఈ ఘటన అమెరికా(USA)లోని హవాయి(Hawaii) రాష్ట్రంలో చోటు చేసుకొంది. పూర్తిగా జీపీఎస్ పైనే ఆధారపడిన పర్యాటకుల పరిస్థితి ఘోరంగా తయారైంది. నేరుగా వెళ్లి సముద్రంలో పడ్డారు. ఆ చుట్టపక్కల పడవల వాళ్లు చూసి నీటిలో దూకి వారిని కాపాడడంతో బతుకు జీవుడా అన్నట్లైంది వారి పరిస్థితి.
చదవండి : Medaram Jatara తేదీల ప్రకటన.. ఫిబ్రవరి 21 నుంచి 24 వరకు నిర్వహణ
ఆ రేవులో ఉన్న వారు కారు నేరుగా సముద్రంలోకి దూసుకు రావడం చూసి షాక్ అయ్యారు. వివరాల్లోకి వెళితే.. కైలువా-కోన ప్రాంతంలోని హూనోకోహౌ స్మాల్‌బోట్‌ హార్బర్‌లో ఇద్దరు పర్యాటకులు శనివారం ఒక భారీ ఎస్‌యూవీలో వచ్చారు. వారు మాంటరే ఎక్స్‌కర్షన్‌ అనే ప్రదేశానికి వెళ్లేందుకు జీపీఎస్ ఫాలో అవుతూ డ్రైవింగ్‌ చేస్తున్నారు. ఈ క్రమంలో వారు ప్రయాణిస్తున్న ఎస్‌యూవీ నేరుగా హార్బర్‌లోకి దూసుకెళ్లి సముద్రంలో పడింది. అక్కడ ఉన్న పడవలలోని సిబ్బంది చూసి వెంటనే నీటిలోకి దూకి కారులో చిక్కుకుపోయిన ప్రయాణికురాలిని వెలికి తీయగా.. మరొకరు సురక్షితంగా ఒడ్డుకు చేరుకున్నారు. ఆ సమయంలో వారు సీట్‌ బెల్ట్‌లు పెట్టుకొని ఉండడంతో ప్రాణాలతో బయటపడ్డారు. అనంతరం ఆ కారుకు తాళ్లు కట్టి ఒడ్డుకు లాగారు. కారులో ప్రయాణించేవారు తాము సముద్రం దిశగా వెళుతున్నామన్న ఎటువంటి ఆలోచన లేకుండా పూర్తి ఆత్మవిశ్వాసంతో డ్రైవింగ్‌ చేస్తున్నట్లు ప్రత్యక్ష సాక్షులు చెప్పారు. ప్రస్తుతం ఈ వీడియో వైరల్‌గా మారింది.
చదవండి : Chiranjeevi:ని పీఎం మోదీ ఎందుకు పిలిచినట్టు!?
View this post on Instagram
