No Job For Divorced: కొన్ని కారణాల వల్ల మీరు మీ జీవిత భాగస్వామి నుండి విడాకులు(divorce) తీసుకున్నా.. లేదా వివాహం(Marriage) తర్వాత మీరు మరొకరితో ప్రేమలో పడ్డారా.. తస్మాత్ జాగ్రత్త మీ జాబ్(Job) ఇక పోయినట్లే. ఏంటి దానికి దీనికి ఏం సంబంధం అని ఆలోచిస్తున్నారా.. ఇది మనదగ్గర కాదులేండి. మన పొరుగు దేశానికి చెందిన కార్పొరేట్ కంపెనీ తన హెచ్‌ఆర్ పాలసీలో అలాంటి ఒక నియమాన్ని చేర్చింది. ఇప్పుడు దీనికి సంబంధించి దుమారం చెలరేగింది.
చదవండి:Hyderabad:ఆస్తి కోసం ఘర్షణకు దిగిన రెండు కుటుంబాలు.. రాళ్లు, కర్రలతో కొట్టుకున్నారు
పొరుగున ఉన్న చైనాలోని జెజియాంగ్‌లోని ఒక కంపెనీ ఈ ప్రకటన చేసింది. వివాహేతర సంబంధానికి పాల్పడినా, విడాకులు తీసుకున్నా ఉద్యోగాల నుంచి తొలగిస్తామని కంపెనీ ఉద్యోగులను హెచ్చరించింది. అందుకు కంపెనీ చెప్పిన కారణం కూడా చాలా ఆసక్తికరంగా ఉంది. ఈ నిబంధనను తీసుకురావడం వెనుక కంపెనీ చాలా ఆసక్తికరమైన కారణాన్ని కూడా చెప్పింది. తమ ఉద్యోగులు కుటుంబానికి విధేయంగా ఉండే కార్పొరేట్ సంస్కృతిని అభివృద్ధి చేయాలనుకుంటున్నట్లు కంపెనీ చెబుతోంది. భార్యాభర్తల మధ్య ప్రేమను పెంచాలనుకుంటోంది. సౌత్ చైనా మార్నింగ్ పోస్ట్ వార్తల ప్రకారం, కంపెనీ జూన్ 9 న దీనికి సంబంధించి ఒక సర్క్యులర్‌ను తీసుకుంది. కంపెనీకి చెందిన వివాహిత ఉద్యోగులందరికీ ఈ కొత్త నిబంధన వర్తిస్తుంది.
చదవండి:Fruits For Digestion:అజీర్తితో ఇబ్బంది పడుతున్నారా.. ఈ 5 పండ్లను తినండి
కంపెనీపై ఈ నిషేధం తర్వాత చైనా సోషల్ మీడియాలో ప్రజల నుండి తీవ్ర స్పందన వచ్చింది. అయితే, ఈ నియమాన్ని తన సిబ్బందికి వివరిస్తూ కంపెనీలో నిర్వహణను బలోపేతం చేయడంలో కూడా ఇది సహాయపడుతుందని కంపెనీ తెలిపింది. ఈ నియమం తన ఉద్యోగులందరిలో సరైన ప్రేమ విలువలను పెంపొందిస్తుందని.. వారు మంచి ఉద్యోగులుగా మారగలరని కంపెనీ భావిస్తోంది. దీని కోసం వారు వివాహం తర్వాత ఎటువంటి సంబంధం కలిగి ఉండరాదు. కంపెనీ ఈ నిబంధనపై మిశ్రమ స్పందనలు కనిపిస్తున్నాయి. సోషల్ మీడియాలో ఇష్టారాజ్యంగా మాట్లాడుతుండగా.. ఉద్యోగుల మధ్య కుటుంబాల్లో సుస్థిరత, సామరస్యం నెలకొల్పేందుకు ఇదొక ముందడుగు అని కొందరు ఉద్యోగులు పేర్కొంటున్నారు. దీంతో వాటి సామర్థ్యం కూడా పెరుగుతుంది.
