Liquor Shop: హర్యానా(Haryana)లో భారీ అగ్ని ప్రమాదం చోటు చేసుకుంది. రాష్ట్రానికి చెందిన గురుగ్రామ్‌(Gurugram)లో సెక్టార్ 55లోని ఓ మందు దుకాణంలో అకస్మాత్తుగా మంటలు(Fire) వ్యాపించాయి. ఆ సమయంలో షాపులో ఫుల్ స్టాక్ ఉంది. అగ్ని ప్రమాదం దాటికి లిక్కర్ బాటిళ్లు(Liquor bottles) బాంబుల్లా పేలిపోయాయి. ఆదివారం ఉదయం ఈ ఘటన జరిగినట్టు పోలీసులు తెలిపారు. అయితే, ఆ సమయంలో ఆ లిక్కర్ షాప్ మూసే ఉండటం వల్ల ఎలాంటి ప్రాణ నష్టం జరగలేదు.
చదవండి:Wife: భర్తతో బోరింగ్ అని ప్రియుడిని వేతుకున్న భార్య
గోల్ఫ్ కోర్స్ రోడ్డు సమీపంలోని సెక్టార్ 55 వద్ద వైన్స్ షాపు(Wines Shop)లో మంటలు అంటుకున్నట్టు ఉదయం 6.30 గంటలకు తమకు సమాచారం వచ్చిందని అగ్నిమాపక సిబ్బంది(Firefighters) తెలిపారు. వెంటనే ఆరు అగ్నిమాపక యంత్రాల సాయంతో స్పాట్‌కు వెళ్లినట్టు సీనియర్ అధికారులు వివరించారు. సుమారు గంటన్నర పాటు మంటలను ఆర్పేందుకు శాయశక్తులా ప్రయత్నించారు. ఆ తర్వాతే మంటలు అదుపులోకి వచ్చాయని తెలిపారు.
చదవండి:The Kerala story: ‘ది కేరళ స్టోరీ’ డైరెక్టర్, హీరోయిన్‌కు యాక్సిడెంట్
మంటలను ఆర్పే క్రమంలో ఇద్దరు అగ్నిమాపక సిబ్బందికి స్వల్ప గాయాలు అయ్యాయని అధికారులు తెలిపారు. అగ్నికి లిక్కర్ బాటిళ్లు పేలడం వల్ల వారికి గాయాలు అయ్యాయన్నారు. అగ్ని ప్రమాదం ఏర్పడినప్పుడు వైన్స్ షాప్ మూసే ఉండటం వల్ల అందులో సేల్స్ మ్యాన్ లేడని వివరించారు. షార్ట్ సర్క్యూట్ వల్ల ఈ ప్రమాదం ఏర్పడి ఉండవచ్చని అనుమానిస్తున్నారు. ఈ అగ్ని ప్రమాదం కారణంగా కోట్ల రూపాయాల నష్టం వాటిల్లిందని ఫైర్ ఫైటర్ జస్బీర్ తెలిపారు.
