తెలుగు సాహిత్యం, పాత్రికేయ రంగాలలో చెరగని ముద్ర వేసిన బహుముఖ ప్రజ్ఞాశాలి విద్వాన్ విశ్వం. మీసరగండ విశ్వరూపాచారిగా జన్మించినా ‘విద్వాన్’ పట్టానే ఇంటిపేరుగా నిలిచింది. ఆంధ్రప్రభ సచిత్ర వారపత్రిక సంపాదకుడిగా, హుందాతనం గల మానవతావాదిగా ఆయన జీవితం నేటి తరం రచయితలకు, పాత్రికేయులకు గొప్ప ఆదర్శం. సత్యాన్ని నమ్మిన ఆయన తీరు, నిబద్ధతతో కూడిన కృషి నేటికీ చిరస్మరణీయం.
