దసరా పండగ వేళ రైతులకు కేంద్రం ప్రభుత్వం శుభవార్త చెప్పింది. రబీ సీజన్‌కు సంబంధించి గోధుమ, బార్లీతో పాటు మొత్తం 6 ప్రముఖ పంటలకు కనీస మద్దతు ధరను పెంచుతూ కేంద్రం కీలక ప్రకటన చేసింది. ప్రధాని మోదీ ఆధ్వర్యంలో కేంద్ర కేబినెట్ బుధవారం సమావేశం అయ్యింది. ఈ కేబినెట్ పంటల మద్దతు ధర పెంచేందుకు ఆమోదం తెలిపింది. 2024-25 రబీ సీజన్‌కు సంబంధించి గోధుమ, బార్లీ, సన్‌ఫ్లవర్, శనగ, ఆవాలు, కంది పంటలకు కనీస మద్దతు ధరను పెంచుతూ కేబినెట్ ఆమోదం తెలిపింది.
చదవండి: SP పార్టీ నేత, అతని భార్య, కుమారుడికి ఏడేళ్ల జైలు శిక్ష
ఈ పంటలల్లో అత్యధికంగా గోధుమ పంటలకు క్వింటాలుకు రూ.150లు పెంచుతున్నట్లు వెల్లడించింది. తాజా నిర్ణయం ప్రకారంగా గోధుమల కనీస మద్ధతు ధరను రూ.150లు పెంచడంతో క్వింటా గోధుమల ధర రూ.2,275కు పెరిగింది. గోధుమలకు మద్దతు ధర పెంచడం ఇదే మొదటిసారి కావడం విశేషం.
చదవండి: DA hike : కేంద్రం ప్రభుత్వ ఉద్యోగులకు గుడ్ న్యూస్.. 4 శాతం డీఏ పెంపు
6 పంటల కనీస మద్దతు ధరలివే:
1.గోధుమలు: ఈ పంటకు కనీస మద్దతు ధర రూ.150కు పెంచడంతో క్వింటా గోధుమల ధర రూ.2,275కు చేరింది.
2.బార్లీ: ఈ పంటకు కనీస మద్దతు ధర రూ.115కు పెంచడంతో క్వింటా బార్లీ ధర రూ.1850కి పెరిగింది.
3.శెనగ: ఈ పంటకు కనీస మద్దతు ధర రూ.105 పెంచడంతో క్వింటాలు శెనగ ధర రూ.5,440కి చేరుకుంది.
4.కంది: ఈ పంటపై రూ.425ల కనీస మద్దతు ధరను పెంచడంతో క్వింటాలు రూ.6,425కు చేరింది.
5.ఆవాలు: ఈ పంటపై కనీస మద్దతు ధర రూ.200లు పెంచడంతో క్వింటాలు ధర రూ.5,650కి పెరిగింది.
6.సన్‌ఫ్లవర్: ఈ పంటపై రూ.150ల కనీస మద్దతు ధర పెంచడంతో క్వింటాలు ధర రూ. 5,800కు చేరుకుంది.
