Prakash Raj: వాలంటైన్స్ డేని ఉత్సాహంగా జరుపుకోవాలని చాలా మంది ప్రేమికులు ఎంతో ఆశగా ఎదురుచూస్తూ ఉంటారు. అయితే… ఆ రోజున వాలంటైన్స్ డే కాకుండా.. గో ప్రేమికులు అందరూ కౌ హగ్ డే జరుపుకోవాలని కేంద్ర పశు సంక్షేమ బోర్డు పిలుపునిచ్చింది.
అయితే… దీనిపై భిన్నాభిప్రాయాలు వ్యక్తమౌతున్నాయి. కొందరు కేంద్ర ఆలోచనను మెచ్చుకుంటుంటే కొందరు విమర్శిస్తున్నారు. కాగా… తాజాగా దీనిపై ప్రకాష్ రాజ్ ట్విట్టర్ వేదికగా సెటైరికల్ గా స్పందించడం గమనార్హం.
మ్యాటరేంటంటే… గతంలో జీవీఎల్ నరసింహారావును ఒక ఆవు తన్నబోయిన వీడియోను ప్రముఖ న్యాయవాది ప్రశాంత్ భూషణ్ ట్వీట్ చేయగా దాని మీద ప్రకాష్ రాజ్ స్పందించారు. ఆవు కూడా బహుశా తన ప్రియమైన వారి కోసం ఎదురుచూస్తోంది ఏమో అని అంటూ ట్వీట్ చేశారు. ప్రకాష్ రాజ్ వెటకారంగా చేసిన ట్వీట్ ఇప్పుడు వైరల్ గా మారింది.
