Maharashtra: మహారాష్ట్రలోని బీడ్ జిల్లాలో ఓ ట్రాన్స్‌జెండర్ పోలీస్ కానిస్టేబుల్ మగబిడ్డకు తండ్రి అయ్యాడు. మజల్‌గావ్ తాలూకాలోని రాజేగావ్‌కు చెందిన లలిత్ కుమార్ సాల్వే జనవరి 15న ఒక మగబిడ్డకు తండ్రి అయ్యాడు. అతను 2020లో లింగమార్పిడి శస్త్రచికిత్స చేయించుకుని పురుషుడిగా మారాడు. ఆ తర్వాత ఓ మహిళను పెళ్లాడాడు. జూన్ 1988లో జన్మించిన లలితా సాల్వే తన శరీరంలో వచ్చిన మార్పులను చూసేందుకు వైద్య పరీక్షలు చేయించుకున్నారు. సహజంగా మగవారికి X, Y సెక్స్ క్రోమోజోమ్‌లు ఉంటే, ఆడవారికి రెండు X క్రోమోజోమ్‌లు ఉంటాయి. ఫలితంగా, సాల్వేకు జెండర్ డిస్ఫోరియా ఉంది. వైద్యులు ఆమెను లింగ మార్పు చేయించుకోవాలని సూచించారు.
చదవండి:Mohammed Shami: వరుడి గెటప్‌లో షమీ.. మాస్ రాగింగ్ చేస్తున్న ఫ్యాన్స్
రాష్ట్ర ప్రభుత్వం నుండి అనుమతి పొందిన తర్వాత అతను 2018లో లింగమార్పిడి శస్త్రచికిత్స చేయించుకున్నాడు. అతను 2018-2020 మధ్య మూడుసార్లు శస్త్రచికిత్స చేయించుకోవలసి వచ్చింది. 2020లో లలిత్ సాల్వే ఛత్రపతి శంభాజీ నగర్‌కు చెందిన మహిళను వివాహం చేసుకున్నాడు. మీడియాతో మాట్లాడిన సాల్వే.. మహిళ నుంచి పురుషుడిగా మారేందుకు ఎన్నో కష్టాలు పడ్డానని, ఆ సమయంలో తనకు అండగా నిలిచిన వారికి కృతజ్ఞతలు తెలిపారు. నా భార్య సీమ తనకు బిడ్డ కావాలని ఉందని, ఇప్పుడు తండ్రి కావడం చాలా సంతోషంగా ఉందని, నా కుటుంబం థ్రిల్‌గా ఉందని అన్నారు.
చదవండి:Fire Accident : స్కూల్లో భారీ అగ్ని ప్రమాదం.. 13మంది సజీవ దహనం
