Delhi a man could not bear the cold and lit a fire next to it and died
Mobile Blast : ఉత్తరప్రదేశ్‌లోని మీరట్‌లోని పల్లవపురం ప్రాంతంలో విషాధకర ఘటన చోటు చేసుకుంది. ఓ ఇంట్లో మొబైల్‌ ఛార్జింగ్‌ అవుతుండగా షార్ట్‌ సర్క్యూట్‌ కారణంగా మంటలు చెలరేగడంతో నలుగురు చిన్నారులు మృతి చెందారు. ఈ ప్రమాదంలో వారి తల్లిదండ్రులు గాయపడ్డారు. పల్లవపురం పోలీస్‌స్టేషన్‌ పరిధిలోని జంట కాలనీలో జోని అనే వ్యక్తి ఇంట్లో శనివారం రాత్రి మొబైల్‌ ఛార్జింగ్‌ అవుతుండగా షార్ట్‌ సర్క్యూట్‌తో మంటలు చెలరేగాయని పోలీసు వర్గాలు ఆదివారం తెలిపాయి.
చదవండి:Megastar Chiranjeevi: శ్రీకాంత్‌కు బర్త్‌డే గిఫ్ట్ ఇచ్చిన మెగాస్టార్.. వీడియో వైరల్
మంటలు కొద్దిసేపటికే తీవ్ర రూపం దాల్చాయని ఇందులో జోనీ, అతని భార్య బబిత, నలుగురు పిల్లలు సారిక (10), నిహారిక (8), సంస్కార్ అలియాస్ గోలు (6), కలు (4) తీవ్రంగా కాలిపోయారని అతను చెప్పారు. వారందరినీ వైద్య కళాశాలలో చేర్పించారు. అక్కడ నిహారిక, గోలు అర్థరాత్రి మరణించారు. సారిక, కలు ఆదివారం ఉదయం మరణించారు. జానీ పరిస్థితి ప్రమాదకరంగా లేదని, అయితే బబిత పరిస్థితి విషమంగా ఉన్న దృష్ట్యా ఆమెను ఢిల్లీ ఎయిమ్స్ (ఆల్ ఇండియా ఇన్‌స్టిట్యూట్ ఆఫ్ మెడికల్ సైన్సెస్)కు తరలించినట్లు సంబంధిత వర్గాలు తెలిపాయి. నిహారిక, గోలు, కాలు మొబైల్‌లో గేమ్‌లు ఆడుతున్నారని, ఈ సమయంలో మొబైల్‌కు కూడా ఛార్జ్‌ అవుతుందని జానీ చెప్పాడు. ఈ సమయంలో షార్ట్‌సర్క్యూట్‌తో మంటలు చెలరేగాయని, కొద్దిసేపటికే మంటలు పెద్ద ఎత్తున వ్యాపించాయని చెప్పారు. అనే కోణంలో పోలీసులు దర్యాప్తు చేస్తున్నారు.
చదవండి:Holy Festival: మందుప్రియులకు బ్యాడ్ న్యూస్.. రేపు వైన్సులు బంద్‌
