Road Accident : యూపీలోని ఉన్నావ్‌లో ఆదివారం మధ్యాహ్నం ఘోర ప్రమాదం జరిగింది. ఎదురుగా వస్తున్న బస్సుపైకి ట్రక్కు దూసుకెళ్లింది. ఈ ప్రమాదంలో బస్సు తుక్కుతుక్కు అయింది. ఓ వైపు బస్సు మొత్తాన్ని ట్రక్కు చీల్చిచెండాడింది. దీంతో ఏడుగురు చనిపోయారు. 25 మందికి పైగా గాయపడ్డారు. వీరిలో పలువురి పరిస్థితి విషమంగా ఉన్నట్లు సమాచారం. క్షతగాత్రులను పోలీసులు సీహెచ్‌సీకి తరలించారు. ప్రథమ చికిత్స అందించిన అనంతరం వైద్యులు అందరినీ జిల్లా ఆస్పత్రికి తరలించారు. సఫీపూర్ కొత్వాలి ప్రాంతంలోని జమాల్దీపూర్ సమీపంలో ఈ ప్రమాదం జరిగింది. అయితే ఇప్పటి వరకు ఆరుగురు మృతి చెందినట్లు పోలీసులు నిర్ధారించారు. ముగ్గురిని గుర్తించారు. మృతుల సంఖ్య పెరిగే అవకాశం ఉంది.
చదవండి:IPL Betting: ఐపీఎల్ ఆన్‌లైన్ బెట్టింగ్.. ఒకరు అరెస్ట్
బంగార్‌మావు నుంచి ఉన్నావ్‌కు వస్తున్న ప్రైవేట్ బస్సు సఫీపూర్ కొత్వాలి ప్రాంతంలోని జమాల్దీపూర్ గ్రామ సమీపంలోకి వచ్చిందని చెబుతున్నారు. ఇంతలో ఎదురుగా వేగంగా వస్తున్న లారీ నేరుగా ఢీకొట్టింది. ఢీకొన్న తర్వాత ట్రక్కు బస్సును ఒకవైపు నుంచి చీల్చి ముందుకు సాగింది. ప్రమాదం జరిగిన వెంటనే ఒక్కసారిగా కలకలం రేగింది. గాయపడిన వ్యక్తులు బస్సు బయట వేలాడుతూ కనిపించారు. ఘటనా స్థలానికి చేరుకున్న పోలీసులు క్షతగాత్రులను వెంటనే సీహెచ్‌సీ సఫీపూర్‌కు తరలించారు. అక్కడ ఇద్దరు మృతి చెందినట్లు వైద్యులు ప్రకటించారు. ఆ తర్వాత మరో ఐదుగురు చనిపోయారు. ఘటన తర్వాత ట్రక్కు డ్రైవర్ చకల్వంశీ రోడ్డు మీదుగా పరారయ్యాడు. పోలీసులకు సమాచారం అందించడంతో జిల్లాలో దిగ్బంధం చేశారు.
చదవండి:UP Board 10th Result: నాకో రెండు మార్కులు తక్కువస్తే బాగుండేది.. టెన్త్ టాపర్ ఆవేదన
మరోవైపు, క్షతగాత్రులు సఫీపూర్ సిహెచ్‌సి, జిల్లా ఆసుపత్రిలో చికిత్స పొందుతున్నారు. జిల్లా ఆసుపత్రి వైద్యులను కూడా అప్రమత్తం చేశారు. క్షతగాత్రులు, మృతుల వివరాలను సేకరిస్తున్నారు. ఈ ప్రమాదంలో ఓ ప్రయాణికుడు దూకి రోడ్డుపై పడిపోయాడు. దీంతో అతని తలకు గాయమైంది. ఇదొక్కటే కాదు, ఇద్దరు ప్రయాణీకుల తలలు వేరయ్యాయి.
