MiG-29K:భారత నౌకాదళం మరో చారిత్రాత్మక విజయాన్ని సాధించింది. ఐఎన్ఎస్ విక్రాంత్(INS Vikrant)పై రాత్రికి రాత్రే ల్యాండ్ చేసి మిగ్-29కె(MiG-29K) చరిత్ర సృష్టించింది. ఇది నేవీ స్వయంశక్తి పట్ల ఉన్న ఉత్సాహానికి నిదర్శనమని భారత నౌకాదళం పేర్కొంది. భారత నావికాదళం ఈ విజయాన్ని ప్రధాని నరేంద్ర మోదీ ‘ఆత్మనిర్భర్ భారత్’కు మరో ముందడుగుగా గుర్తించింది.
చదవండి:Dolphin’s Head: డాల్ఫిన్ ముఖంతో ఐల్యాండ్.. వ్యూ అదిరిపోయిందిగా..!
MiG-29K ల్యాండింగ్ గురించి రక్షణ మంత్రి రాజ్‌నాథ్ సింగ్(Defense Minister Rajnath Singh) మాట్లాడుతూ.. ‘INS విక్రాంత్‌లో MiG-29K యొక్క మొదటి రాత్రి ల్యాండింగ్ పరీక్షను విజయవంతంగా పూర్తి చేసినందుకు భారత నావికాదళాన్ని(Indian Navy) నేను అభినందిస్తున్నాను. విక్రాంత్ సిబ్బంది మరియు నేవీ పైలట్ల నైపుణ్యం, పట్టుదల, వృత్తి నైపుణ్యానికి ఈ అద్భుతమైన విజయం నిదర్శనం’ అన్నారు. ఈ ఛాలెంజింగ్ నైట్ ల్యాండింగ్ ట్రయల్ ఐఎన్ఎస్ విక్రాంత్ సిబ్బంది, నేవీ పైలట్ల సంకల్పం, నైపుణ్యం, వృత్తి నైపుణ్యాన్ని ప్రదర్శిస్తుందని భారత నౌకాదళం ట్వీట్ చేసింది.
చదవండి:Governor Tamilisai : తెలంగాణ ప్రభుత్వంపై గవర్నర్ తమిళిసై సంచలన వ్యాఖ్యలు
ఐఎన్ఎస్ విక్రాంత్ భారతదేశంలో నిర్మించిన మొదటి విమాన వాహక నౌక కావడం గమనార్హం. దీనిని కేరళ(Kerala)లోని కొచ్చిన్ షిప్‌యార్డ్ లిమిటెడ్ (CSL) నిర్మించింది. ఈ స్వదేశీ విమాన వాహక నౌకకు భారతదేశపు మొట్టమొదటి విమాన వాహక నౌక ఐఎన్ఎస్ విక్రాంత్ పేరు పెట్టారు. గతేడాది సెప్టెంబరులో ప్రధానమంత్రి నరేంద్రమోదీ భారత్ స్వదేశీంగా తయారు చేసిన తొలి విమాన వాహక నౌక ఐఎన్ఎస్ విక్రాంత్‌ను నౌకాదళానికి అందజేశారు. దేశం ఇప్పుడు 40,000 టన్నుల కంటే ఎక్కువ విమాన వాహక నౌకలను నిర్మించగల దేశాల సరసన నిలిచింది.
#IndianNavy achieves another historic milestone by undertaking maiden night landing of MiG-29K on @IN_R11Vikrant indicative of the Navy’s impetus towards #aatmanirbharta.#AatmaNirbharBharat@PMOIndia @DefenceMinIndia pic.twitter.com/HUAvYBCnTH
— SpokespersonNavy (@indiannavy) May 25, 2023
