IMD : భారత దేశంలోని అండమాన్‌ నికోబార్‌(Andaman & Nicobar) దీవులకు ఇప్పటికే నైరుతీ రుతుపవనాలు ప్రవేశించాయని భారత వాతావరణ శాఖ(IMD) వెల్లడించింది. మరో పక్క రాజస్థాన్‌, పంజాబ్‌, హరియాణా, ఛత్తీస్‌గఢ్‌, ఢిల్లీ తదితర రాష్ట్రాల్లో ఎండలు ఎక్కువగా ఉంటాయని, అక్కడి ప్రజలు జాగ్రత్తగా ఉండాలని హెచ్చరించింది.ఆయా రాష్ట్రాల్లోని ప్రజలు వడగాల్పులతో ఇబ్బందులు పడవచ్చని అందుకు తగినట్లుగా జాగ్రత్తలు తీసుకోవాలని వెల్లడించింది.
చదవండి : సన్‌షేడ్‌పై పడిన చిన్నారి వీడియో వైరల్‌.. ట్రోలింగ్స్‌తో తల్లి ఆత్మహత్య
మరో వైపు మే 22వ తారీఖున నైరుతి బంగాళాఖాతంలో అల్ప పీడన ప్రాంతం ఏర్పడే అవకాశం ఉన్నట్లు ఐఎండీ(IMD) వెల్లడించింది. అది 24వ తారీఖుకు వాయుగుండంగా మారనుంది. దీని వల్ల రానున్న మూడు రోజుల్లో కోస్తా ఆంధ్ర, రాయలసీమల్లో భారీ వర్షాలు కురిసే అవకాశాలు ఉన్నాయి. తెలుగు రాష్ట్రాల్లో ఈదురు గాలులు, ఉరుములు, మెరుపులతో కూడిన వానలు చెదురు మదురుగా పడే అవకాశం ఉందని ఐఎండీ తెలిపింది.
చదవండి : రోగాల్లో 56 శాతం తిండివల్లనే వస్తాయంటున్న ఐసీఎంఆర్‌
ఇక నైరుతీ రుతుపవనాలు ఏటా మే 18 నుంచి 20 మధ్యలో అండమాన్‌ను తాకుతాయి. ఈసారి కూడా సరిగ్గా అదే సమయంలో అవి మన దేశంలోకి ప్రవేశించాయి. ఈ అంచనాలను బట్టి చూస్తే ఈ నెల 31న అవి కేరళ తీరాన్ని తాకే అవకాశం ఉంది. అలాగే జూన్‌ మొదటి వారంలో రాలసీమను తాకవచ్చని ఐఎండీ(IMD) తెలిపింది.
