Ayodhya Mosque : అయోధ్యలోని ధన్నిపూర్ గ్రామంలో దేశంలోనే అతిపెద్ద మసీదు నిర్మించనున్నారు. శ్రీరామ జన్మభూమి వివాదంపై ముస్లింలకు 5 ఎకరాల భూమి ఇవ్వాలని సుప్రీంకోర్టు తీర్పునిచ్చింది. అదే స్థలంలో నిర్మించనున్న అతి పెద్ద మసీదు పేరు ఏమిటో నేటి సమావేశంలో నిర్ణయించనున్నారు. ఈ సమావేశానికి హాజీ అరాఫత్ షేక్ అధ్యక్షత వహిస్తుండగా, సున్నీ వక్ఫ్ బోర్డు చైర్మన్ జుఫర్ ఫారూఖీ కూడా ఇందులో పాల్గొంటున్నారు. దీనికి సంబంధించి తదుపరి వ్యూహాలకు సంబంధించి ముంబైలోని రంగ్ శారదా హాల్‌లో హాజీ అరాఫత్ షేక్, జుఫర్ ఫారూఖీ సమక్షంలో సుదీర్ఘ సమావేశం జరుగుతోంది. ఇందులో పాల్గొనేందుకు పెద్ద సంఖ్యలో మౌలానాలు, ఉలేమాలు తరలివచ్చారు. ఈ సమావేశానికి పెద్ద ముస్లిం మౌలానాలందరూ, యుపిలోని వక్ఫ్ బోర్డు ఛైర్మన్ హాజరుకానున్నారు.
చదవండి:Tamannaah: 13 ఏళ్లకే ఇండస్ట్రీకి మిల్కి బ్యూటీ.. వీడియో వైరల్
కొన్ని గంటల పాటు సాగిన ఈ భేటీ తర్వాత అయోధ్యలో నిర్మించనున్న మసీదు ఫస్ట్ లుక్ డిజైన్ వెల్లడికావచ్చని సమాచారం. అయోధ్యలోని ధన్నిపూర్ గ్రామంలో నిర్మించనున్న మసీదు ఎలా ఉంటుందో చిత్రాన్ని కూడా విడుదల చేయవచ్చు. మసీదు నిర్మాణానికి సంబంధించిన తొలి ఇటుకను ముంబై నుంచి పంపాలని కూడా సమావేశంలో నిర్ణయించనున్నారు. ధన్నీపూర్ గ్రామం అయోధ్యలోని శ్రీరామ మందిరానికి 25 కిలోమీటర్ల దూరంలో ఉంది. సుప్రీంకోర్టు తీర్పు తర్వాత, అయోధ్యలో శ్రీరామ మందిరం సిద్ధంగా ఉంది. కానీ మసీదుపై ఇప్పటి వరకు ఎటువంటి పని జరగలేదు. కాగా, మసీదు నిర్మాణం కోసం ముస్లింలకు 5 ఎకరాల భూమి ఇవ్వాలని సుప్రీంకోర్టు తన తీర్పులో ఆదేశించింది. అయితే ముస్లిం పెద్దలు, మత పెద్దల మధ్య అనేక విషయాల్లో విభేదాల కారణంగా మసీదు నిర్మాణానికి మార్గం సుగమం కాలేదు. ముంబైలో జరిగే ఈ సమావేశం తర్వాత మసీదు నిర్మాణ పనులు అడ్డంకులు లేకుండా ప్రారంభమవుతాయని భావిస్తున్నారు.
చదవండి:Tiger Nageswara Rao: రన్ టైం..రవితేజ రిస్క్ చేస్తున్నాడా?
