A huge explosion in an explosives manufacturing facility in Chhattisgarh... more than 10 people were killed
HUGE EXPLOSION: ఛత్తీస్‌గఢ్‌లో భారీ పేలుడు సంభవించింది. ఈ ఘటనలో పదిమందికి పైగ కార్మికులు చనిపోయినట్లు తెలుస్తుంది. రాష్ట్రంలోని బెమెతరా జిల్లాలో శనివారం ఉదయం ఈ సంఘటన చోటుచేసుకుంది. స్థానికంగా ఉన్న పేలుడు పదార్థాల తయారీ కేంద్రంలో ఈ భారీ పేలుడు చోటుచేసుకుంది. ఉదయం కర్మాగారానికి పనిచేసే సిబ్బంది వచ్చారు. ఈ తరుణంలో పేలుడు జరిగింది. ఈ ప్రమాదంలో 10 నుంచి 17 మంది వరకు మరణించినట్లు తెలుస్తుంది. అంతేకాకుండా పదుల సంఖ్యలో గాయపడ్డారు. క్షతగాత్రులను వెంటనే స్థానిక ఆసుపత్రికి తరలించారు. ఈ పేలుడులో పెద్ద ఎత్తున మట్టిపెడ్డలు, సిమెంట్ గోడలు ఎగిరి పడ్డాయి.
చదవండి:Haryana : వ్యాపారంలో నష్టం.. దారుణానికి ఒడికట్టిన ఆరుగురు కుటుంబ సభ్యులు
పిర్దా గ్రామంలోని బెర్లా డెవలప్‌మెంట్ బ్లాక్‌లో ఈ ప్రమాదం జరిగింది. ఈ మేరకు జిల్లా అధికారులు స్పందించారు. సమాచారం అందుకున్న పోలీసులు, వైద్యబృందం, రెస్క్యూ టీమ్ ఘటనాస్థలానికి చేరుకున్నారు. ఈ భారీ పేలుడుకు భవనం పూర్తిగా ధ్వంసం అయింది. కేసు నమోదు చేసుకున్న పోలీసులు పేలుడు సంబంధించిన పూర్తి వివరాలను దర్యాప్తు చేస్తున్నారు. దీనిపై ప్రభుత్వం స్థానిక ప్రజాప్రతినిధిలు స్పందించలేదని అధికారులు తెలిపారు.
చదవండి:Anasuya Sengupta: కేన్స్ ఫెస్టివల్‌లో ఉత్తమ నటిగా సత్తా చాటిన భారతీయ నటి
