గత కొన్ని రోజుల నుంచి హార్ట్ ఎటాక్(Heart Attack) ఘటనలు ఎక్కువవుతున్నాయి. వయసుతో సంబంధం లేకుండా చిన్న పిల్లల దగ్గరి నుంచి పెద్దవారి వరకూ గుండెపోటు బారిన పడుతున్నారు. అందులో కొందరు ప్రాణాలను కూడా పోగొట్టుకున్నారు. తాజాగా ఓ 20 ఏళ్ల యువకుడు గుండెపోటుతో మరణించిన సంఘటన తమిళనాడు(Tamilnadu)లో చోటుచేసుకుంది.
చదవండి:Yamuna River: మళ్లీ డేంజర్ స్థాయికి యమున..ఢిల్లీకి అలర్ట్
మారథాన్ పరుగులో పాల్గొన్న ఓ యువకుడు గుండెపోటు(Heart Attack) తో చనిపోయాడు. మధురైలో ఈ ఘటన వెలుగుచూసింది. ఆదివారం ఉదయం తమిళనాడు ఆరోగ్య శాఖ మంత్రి మా సుబ్రమణియన్, వాణిజ్య పన్నులు, రిజిస్ట్రేషన్ శాఖ మంత్రి పి.మూర్తి జెండా ఊపి ఉతిరమ్ 2023 బ్లడ్ డొనేషన్ మారథాన్ పరుగును ప్రారంభించిన తర్వాత ఆ ఘటన జరిగింది. కల్లకురిచి ప్రాంతానికి చెందిన బీటెక్ విద్యార్థి దినేశ్ కుమార్ ఈ మారథాన్‌‌లో పాల్గొని విజయవంతంగా పూర్తి చేశాడు.
చదవండి:FCI: కేంద్ర నిర్ణయంతో.. 145 కోట్ల మందికి ఆకలిబాధలు.!
కార్యక్రమం అయిన ఓ గంట పాటు బాగానే ఉన్నా తనకు ఏదో తెలియని ఇబ్బంది ఉందంటూ వాష్ రూమ్‌లోకి వెళ్లాడు. ఆ తర్వాత బాత్రూమ్‌లో పడి ఫిట్స్ వచ్చినట్టు గిలగిలా కొట్టుకోవడంతో ఫ్రెండ్స్ అతడ్ని స్థానికంగా ఉండే రాజాజీ ఆస్పత్రికి తీసుకెళ్లారు. వైద్యులు చికిత్స అందించినా లాభం లేకుండా పోయింది. గుండెపోటు(Heart Attack) తో ఆ యువుకుడు మృతిచెందినట్లు వైద్యులు నిర్ధారించారు.
