మహేష్ బాబు-త్రివిక్రమ్ కాంబినేషన్లో తెరకెక్కుతున్న SSMB28 ప్రాజెక్ట్‌కు కాస్త బ్రేక్ ఇచ్చిన సంగతి తెలిసిందే. అయితే అతి త్వరలోనే ఈ సినిమా కొత్త షెడ్యూల్ మొదలు పెట్టబోతున్నట్టు తెలుస్తోంది. లేటెస్ట్ అప్టేట్ ప్రకారం.. డిసెంబర్ 8వ తేదీ నుండి మహేష్ ఈ సినిమా సెట్స్‌లోకి జాయిన్ అవనున్నాడట. హైదరాబాద్‌లో ఈ షెడ్యూల్‌ను ప్రారంభించి, కొన్ని కీలక సన్నివేశాలను చిత్రీకరించనున్నారట.
ఈ షెడ్యూల్‌లో హీరోయిన్‌ పూజా హెగ్డే కూడా జాయిన్ అవనున్నట్టు తెలుస్తోంది. అయితే.. ముందుగా ప్లాన్ చేసుకున్న షెడ్యూల్స్‌ పోస్ట్ పోన్ అవడంతో.. సినిమా కూడా వాయిదా పడనునుందని అంటున్నారు. ఈ సినిమా సెట్స్ పైకి వెళ్లకముందే.. వచ్చే సమ్మర్ కానుకగా ఏప్రిల్ 28న రిలీజ్ చేయబోతున్నట్టు ప్రకటించారు. కానీ ఇప్పుడు ఎస్ఎస్ఎంబీ 28 రిలీజ్ డేట్ మారినట్టు తెలుస్తోంది.
వచ్చే స్వాతంత్య్ర దినోత్సవం సందర్భంగా.. ఆగస్టు 11న ప్రపంచవ్యాప్తంగా భారీగా విడుదల చేయడానికి ప్లాన్ చేస్తున్నారట. త్వరలోనే దీనిపై అధికారిక ప్రకటన రానుందని అంటున్నారు. ఇదే జరిగితే మహేష్-రాజమౌళి ప్రాజెక్ట్ మరింత లేట్ అవనుందని చెప్పొచ్చు. ఇకపోతే దాదాపు పదకొండు సంవత్సరాల తర్వాత మహేష్, త్రివిక్రమ్ కలయికలో సినిమా వస్తుండడంతో.. ఈ సినిమా పై భారీ అంచనాలు ఉన్నాయి. హారిక & హాసిని క్రియేషన్స్ భారీ ఎత్తున నిర్మిస్తున్న ఈ చిత్రానికి తమన్ సంగీతం అందిస్తున్నాడు.
