When will Hari Hara Veeramallu release?
Pawan: వకీల్ సాబ్‌తో రీ ఎంట్రీ ఇచ్చిన పవన్.. ఆ తర్వాత పాన్ ఇండియా లెవల్‌లో భారీ పీరియాడికల్ ప్రాజెక్ట్ అనౌన్స్ చేశాడు. టాలెంటెడ్ డైరెక్టర్ క్రిష్‌తో స్ట్రెయిట్ ఫిల్మ్ ‘హరిహర వీరమల్లు’ను ప్రకటించి.. వెంటనే సెట్స్ పైకి తీసుకెళ్లాడు. ఇప్పటివరకు ఈ సినిమా నుంచి వచ్చిన గ్లింప్స్, లీకేజీలు పవన్ ఫ్యాన్స్‌కు భారీ ఆశలు కలిగించాయి. ఇక హరిహర వీరమల్లు థియేటర్‌లోకి రావడమే లేట్.. పవర్ స్టార్ పాన్ ఇండియా ఎంట్రీ ఎలా ఉంటుందో చూపిస్తామని.. ఎదురు చూస్తున్నారు పవన్ ఫ్యాన్స్. ఏం లాభం.. హరిహర వీరమల్లు తర్వాత మొదలైన సినిమాలు షూటింగులు జరుగుతున్నాయి, రిలీజ్ కూడా అవుతున్నాయి.. కానీ హరిహర వీరమల్లు అప్టేట్స్ మాత్రం బయటికి రావడం లేదు.
చదవండి: ‘The Family Man’ సిరీస్‌లో చిరంజీవి.. అశ్వినీ దత్ కామెంట్స్ వైరల్
అసలు ఈ సినిమా ఉంటుందా? ఉండదా? అనే విషయంలో ఎవ్వరు క్లారిటీ ఇవ్వడం లేదు. డైరెక్టర్ క్రిష్ కూడా ఎక్కడా స్పందించడం లేదు. దీంతో ఇప్పట్లో హరిహర షూటింగ్ కష్టమే అంటున్నారు. ప్రస్తుతం పవర్ స్టార్ పొలిటికల్‌గా బిజీగా ఉన్నాడు. ఉస్తాద్ భగత్ సింగ్, ఓజీ సినిమాల షూటింగ్ అప్డేట్స్ వినిపిస్తున్నాయి, హరిహర వీరమల్లు గురించి ఎవ్వరు నోరు మెదపడం లేదు. 2024 ఎన్నికల తర్వాతే.. ఈ సినిమాను పట్టాలెక్కించాలనే ఆలోచనలో ఉన్నాడట పవన్. ఇప్పటికే సగభాగానికి పైగా చిత్రీకరణ జరుపుకుంది హరిహర వీరమల్లు. దీంతో ఆ సినిమాకు కూడా డేట్స్ ఇచ్చేందుకు రెడీ అయ్యాడట. ఓజీ, ఉస్తాద్ భగత్‌సింగ్‌ సినిమాలను పూర్తిచేసిన తర్వాత ‘హరిహరవీరమల్లు’ సెట్‌కి రావాలని ఫిక్స్ అయ్యారట. అన్నీ అనుకున్నట్టుగా జరిగితే వచ్చే ఏడాది సమ్మర్‌లో ‘హరిహరవీరమల్లు’ రిలీజ్ ఉంటుందని సమాచారం. త్వరలో మేకర్స్ దీనిపై క్లారిటీ ఇచ్చే ఛాన్స్ ఉంది. ఇప్పటికైనా హరిహరకు మోక్షం కలుగుతుందేమో చూడాలి.
