'Ustad Bhagat Singh' new poster.. Pawan fans fida!
Ustad Bhagat Singh: ప‌వ‌ర్ స్టార్ పవన్ క‌ళ్య‌ణ్ అభిమానులు ఎప్పుడెప్పుడా అని ఎదురుచూసిన క్ష‌ణాన.. ప్రమాణ స్వీకార వేదిక దద్దరిల్లిపోయింది. కొణిదెల పవన్ కళ్యాణ్ అనే నేను.. అంటూ పవన్ ప్ర‌మాణ‌స్వీకారం చేసిన వీడియో ఫ్యాన్స్‌కు ఇస్తున్న హై అంతా ఇంతా కాదు. పవన్ దెబ్బకు అది ఇది అని కాదు.. ఎన్ని డిజిటల్ ప్లాట్‌ఫామ్స్ ఉంటే.. అన్ని షేక్ అయిపోయాయి. ఇక ఇదే జోష్‌లో పవన్ సినిమాల అప్డేట్స్ కూడా హల్చల్ చేస్తున్నాయి. పవన్ చేస్తున్న సినిమాల్లో ఉస్తాద్ భగత్ సింగ్ కూడా ఒకటి. ఈ సినిమాను హ‌రీష్ శంక‌ర్ తెరకెక్కిస్తున్నాడు. ఇప్పటికే గ్లింప్స్ రిలీజ్ చేయగా అదిరిపోయింది. ఎన్నికల సమయంలో జనసేన గుర్తు గాజు గ్లాస్‌ను హైలెట్ చేస్తూ రిలీజ్ చేసిన గ్లింప్స్ కూడా సూపర్ హై ఇచ్చింది.
చదవండి:Anand Mahindra: బుజ్జిని డ్రైవ్ చేసిన ఆనంద్ మహీంద్రా.. వీడియో వైరల్
ఫైనల్‌గా పవన్ ఎన్నికల్లో విజయం సాధించడం, మంత్రిగా ప్రమాణ స్వీకారం చేయడం జరిగిపోయింది. దీంతో.. ఉస్తాద్ భగత్ సింగ్ నుంచి సాలిడ్ పోస్టర్ రిలీజ్ చేశారు మేకర్స్. ఖాకీ డ్రెస్సులో చేతితో సుత్తితో యుద్ధానికి వస్తున్నట్టుగా ఉన్న ఈ పోస్టర్ ఫ్యాన్స్‌కు తెగ నచ్చేసింది. ప‌ర్ఫెక్ట్ టైమ్‌లో ప‌ర్ఫెక్ట్ పోస్టర్ రిలీజ్ చేశారని అంటున్నారు. ఈ పోస్టర్‌కు క్యాప్షన్‌గా ‘సనాతన ధర్మసంస్థాపనార్థాయ సంభవామి యుగే యుగే’ అంటూ రాసుకొచ్చారు. ప్రస్తుతం ఈ పోస్టర్ నెట్టింట వైరల్‌గా మారింది. ఇకపోతే.. పవన్ త్వరలోనే సెట్స్ పై ఉన్న సినిమాలను కంప్లీట్ చేయడానికి రెడీ అవుతున్నారు. హరిహర వీరమల్లు, ఓజి తర్వాత ఉస్తాద్‌కు డేట్స్ ఇచ్చే ఛాన్స్ ఉంది. మైత్రి మూవీ మేకర్స్ నిర్మిస్తున్న ఈ సినిమాలో శ్రీలీల హీరోయిన్‌గా నటిస్తుంది. మరి ఉస్తాద్ ఎలా ఉంటుందో చూడాలి.
చదవండి:Samantha: మళ్లీ సమంతకు ఏమైంది? ఈసారి సమస్యలేంటి?
