కన్నడ సినిమాను టాప్ ప్లేస్‌లో నిలబెట్టిన సినిమా కెజియఫ్. ప్రశాంత్ నీల్ ఈ సినిమాను హై ఓల్టేజ్ యాక్షన్ ఎంటర్టైనర్‌గా తెరకెక్కించాడు. చాప్టర్ 2తో ఏకంగా 1200 కోట్ల వసూళ్లను అందుకున్నాడు. ఇక ఆ తర్వాత వచ్చిన కాంతార.. బిగ్గెస్ట్ బ్లాక్ బస్టర్‌గా నిలిచింది. ఈ సినిమాల తర్వాత ఉపేంద్ర సినిమా నిలవడం ఖాయమని.. కెజియఫ్ రేంజ్‌లో ‘కబ్జ’ ఉంటుందని గట్టిగా ప్రమోట్ చేశారు మేకర్స్. అంతేకాదు కన్నడ నుంచి కెజియఫ్‌ను కొట్టే సినిమా ఇదే అన్నారు. ఆర్.చంద్రు ద‌ర్శ‌క‌త్వంలో తెరకెక్కిన ఈ సినిమాలో ఉపేంద్రతో పాటు శివ రాజ్ కుమార్, సుదీప్ కీ రోల్ ప్లే చేశారు. కన్నడలో ఈ ముగ్గురికి భారీ ఫ్యాన్ ఫాలోయింగ్ ఉంది. దాంతో ఈ కబ్జ సినిమా లెక్కలు వేరే లెవల్ అనుకున్నారు. కానీ తీరా థియేటర్లోకి వచ్చాక సీన్ రివర్స్ అయిపోయింది. దాంతో నెల రోజులు తిరగక ముందే ఓటిటి బాట పట్టేసింది కబ్జ. మార్చ్ 17న థియేటర్స్‌లోకి వచ్చిన కబ్జ.. మొదటి రోజు నుంచే డివైడ్ టాక్ సొంతం చేసుకుంది. ముఖ్యంగా కెజియఫ్‌ను కాపీ కొట్టారనే టాక్ మూట గట్టుకుంది. అలాంటి సినిమాకు భారీ కలెక్షన్లు ఎలా వస్తాయి.. మేకర్స్ చెప్పేది ఫేక్ కలెక్షన్లంటూ తెగ ట్రోల్ చేశారు నెటిజన్స్. దాంతో కబ్జా సినిమా ఫ్లాప్ జాబితాలోకి వెళ్లిపోయింది. అందుకే ఈ సినిమా థియేటర్లోకి వచ్చిన నాలుగు వారాల్లోనే ఓటిటిలోకి రాబోతోంది. ఏప్రిల్ 14న అమెజాన్ ప్రైమ్ వీడియోలో ‘కబ్జ’ స్ట్రీమింగ్‌కు రాబోతోందని తెలుస్తోంది. క‌న్న‌డంతో పాటు త‌మిళం, తెలుగు, మ‌ల‌యాళం, హిందీ భాష‌ల్లో అదే రోజు నుంచి స్ట్రీమింగ్ కాబోతున్న‌ట్లు సమాచారం.
