Tiger 3 movie joined the Rs 250 crore club within 3 days worldwide collection
బాలీవుడ్ స్టార్ హీరో సల్మాన్ ఖాన్ యాక్ట్ చేసిన తాజా చిత్రం టైగర్ 3(tiger3) ఇటివల రిలీజ్ కాగా బాక్సాఫీస్ వద్ద సరికొత్త రికార్డును క్రియేట్ చేసింది. ఈ చిత్రం ప్రపంచవ్యాప్తంగా మూడు రోజుల్లోనే రూ.250 కోట్ల మార్క్‌ను దాటేసింది. ఈ సినిమా మొదటి రోజు రూ.95.23 కోట్లు, రెండో రోజు రూ.88.16 కోట్లు, మూడో రోజు రూ.67.34 కోట్లు వసూలు చేసింది. దీంతో ఇప్పటివరకు ఈ సినిమా టోటల్ వరల్డ్ వైడ్ కలెక్షన్ రూ.250.73 కోట్ల రూపాయలకు చేరుకుందని సినీ ట్రేడ్ అనలిస్ట్ మనోబాల విజయబాలన్ సోషల్ మీడియా వేదికగా వెల్లడించారు.
#Tiger3 ENTERS the elite ₹250 cr club in just 3 days at the WW Box Office.
Yet another DOUBLE century adds to megastar #SalmanKhan career.
Day 1 – ₹ 95.23 cr
Day 2 – ₹ 88.16 cr… pic.twitter.com/xck2Y5xvSZ— Manobala Vijayabalan (@ManobalaV) November 15, 2023
దీంతో సల్మాన్ ఖాన్(salman khan) యాక్ట్ చేసిన ఈ కమర్షియల్ యాక్షన్ చిత్రం రూ.275 కోట్ల మార్క్ దిశగా దూసుకుపోతోంది. ఇక దేశీయ బాక్సాఫీస్ వద్ద ఈ చిత్రం 150 కోట్ల రూపాయల మార్కుకు చేరువలో ఉంది. ఈ చిత్రం తొలిరోజు రూ.44.50 కోట్లు, రెండో రోజు రూ.59 కోట్లు, మూడో రోజు రూ.42.50 కోట్లు వసూలు చేసింది. దీంతో ఈ సినిమా టోటల్ కలెక్షన్ రూ.146 కోట్లకు చేరుకుందని ట్రేడ్ పోర్టల్ సక్నిల్క్ పేర్కొంది. జవాన్, పఠాన్ చిత్రాల తర్వాత ఇది ప్రస్తుతం బాలీవుడ్‌లో ఈ ఏడాది మూడవ అతిపెద్ద వసూళ్ల చిత్రంగా నిలిచింది.
అయితే జాతీయ మల్టీప్లెక్స్ చైన్‌లలో ఆదివారంతో పోల్చితే సినిమా వ్యాపారం 5.48 శాతం తగ్గింది. అయితే సింగిల్ స్క్రీన్‌లు/మాస్ సెంటర్లలో మెరుగ్గా కలెక్షన్లు వచ్చాయి. చలనచిత్ర విమర్శకుడు, ట్రేడ్ అనలిస్ట్ తరణ్ ఆదర్శ్ ప్రకారం ఈ చిత్రానికి మిశ్రమ టాక్ ఉన్నప్పటికీ మొదటి మూడు రోజుల్లో అత్యధిక వసూళ్లు రాబట్టిందని పేర్కొన్నారు. కానీ నేడు నాలుగో రోజు మాత్రం కీలకమైన IND vs NZ సెమీ-ఫైనల్ క్రికెట్ మ్యాచ్ ఉన్న కారణంగా టైగర్ 3 మూవీ కలెక్షన్లపై ప్రభావం చూపనుందని సినీ వర్గాలు వెల్లడించాయి.
SALMAN KHAN SCORES HIS BIGGEST *3-DAY* TOTAL WITH ‘TIGER 3’… #Tiger3 shows EXCELLENT HOLD on Day 3… Mass circuits are clearly calling the shots… Sun 43 cr, Mon 58 cr, Tue 43.50 cr. Total: ₹ 144.50 cr. #India biz. #Hindi version. #Boxoffice
National chains were down 5.48%… pic.twitter.com/cXsLFQIVTC
— taran adarsh (@taran_adarsh) November 15, 2023
మనీష్ శర్మ దర్శకత్వం(maneesh sharma) వహించిన టైగర్ 3 చిత్రం YRF 300 కోట్ల రూపాయల బడ్జెట్ తో నిర్మించింది. ఈ చిత్రంలో సల్మాన్ ఖాన్, కత్రినా కైఫ్, ఇమ్రాన్ హష్మీ, రిద్ధి డోగ్రా, కుముద్ మిశ్రా, రేవతి, విశాల్ జెత్వా, అనంత్ విధాత్ కీలక పాత్రల్లో యాక్ట్ చేశారు. ఇందులో షారుఖ్ ఖాన్, హృతిక్ రోషన్, అశుతోష్ రాణా వరుసగా పఠాన్, మేజర్ కబీర్ ధాలివాల్, కల్నల్ సునీల్ లూత్రాగా అతిథి పాత్రల్లో నటించారు. టైగర్ 3 నవంబర్ 12న దీపావళి సందర్భంగా స్టాండర్డ్, IMAX, 4DX సహా ఇతర ప్రీమియం ఫార్మాట్‌లలో భారతదేశం అంతటా థియేటర్‌లలో విడుదలైంది.
ఇది కూడా చూడండి: Karthika nair: కాబోయే భర్తను పరిచయం చేసిన యంగ్ హీరోయిన్
