leo day 1 collection worldwide
తమిళ్ స్టార్ హీరో దళపతి విజయ్ యాక్ట్ చేసిన ‘లియో(leo)’ మూవీ నిన్న రిలీజ్ కాగా..ప్రపంచవ్యాప్తంగా మొదటి రోజు బాక్సాఫీస్ కలెక్షన్లలో సరికొత్త రికార్డు సృష్టించింది. తొలి రోజున ఏకంగా 140 కోట్ల రూపాయల వసూళ్లు సాధించినట్లు తెలుస్తోంది. అంతేకాదు ఇటీవల విడుదలైన షారుఖ్ ఖాన్ ‘జవాన్’ మూవీ ఫస్ట్ డే కలెక్షన్లను సైతం బీట్ చేసింది. ప్రపంచవ్యాప్తంగా ‘జవాన్’ విడుదలైన తొలిరోజే రూ.129 కోట్లు వసూలు చేసింది.
లియో యాక్షన్ థ్రిల్లర్ మూవీ తమిళం, తెలుగు, మలయాళం, కన్నడ, హిందీతో సహా పలు భాషల్లో విడుదలైంది. గురువారం ఉదయం ఈ సినిమా ప్రపంచవ్యాప్తంగా వేలాది స్క్రీన్లలో విడుదలైంది. ఇదిలావుండగా సినిమా ట్రేడ్ అనలిస్ట్ రమేష్ బాలా ఎక్స్‌లో ఈ చిత్రం మొదటి రోజున ప్రపంచవ్యాప్తంగా బాక్సాఫీస్ వద్ద 100 కోట్ల రూపాయల మార్కును అధిగమించిందని పేర్కొన్నారు.
#Leo takes a Blockbuster opening WW on Day 1..
100 Cr+..
A first for #ThalapathyVijay and @Dir_Lokesh pic.twitter.com/SYe39bkrma
— Ramesh Bala (@rameshlaus) October 20, 2023
మరోవైపు Sacnilk.com ముందస్తు అంచనాల ప్రకారం ఈ చిత్రం మొదటి రోజున భారతదేశంలోని అన్ని భాషల్లో రూ. 63 కోట్ల నికర వసూళ్లను సాధించిందని తెలిపింది. తమిళనాడులోనే ఈ చిత్రం రూ. 32 కోట్లు వసూలు చేసిందని తెలుస్తోంది. ఇక ఆంధ్రప్రదేశ్‌లో రూ.14.5 కోట్లు, తెలంగాణలో రూ.17 కోట్ల కలెక్షన్లు వచ్చినట్లు సమాచారం. మొత్తం ఇండియాలో గ్రాస్ దాదాపు రూ.74 కోట్లు కాగా ఓవర్సీస్ వసూళ్లు రూ.66 కోట్లు వచ్చే అవకాశం ఉందని తెలిసింది. ఒక తమిళ చిత్రానికి ప్రపంచవ్యాప్తంగా అతిపెద్ద ఓపెనింగ్‌ వసూళ్లు నమోదు కావడం ఇదే తొలిసారి అని సినీ వర్గాలు అంటున్నాయి. అంతేకాదు ఇది ఆల్ టైమ్ రికార్డ్ అని అంటున్నారు. ఈ చిత్రానికి మొదటి రోజు మిశ్రమ స్పందన వచ్చినప్పటికీ ఇది భారీ విజయమని చెప్పవచ్చు.
ఇది కూడా చూడండి: Bollywoodలో మరో డైవర్స్..శిల్పా శెట్టి-రాజ్ కుంద్రా విడాకుల ట్విట్ వైరల్..!!
