Telugu Directors Want Tamil Heroes
Telugu Directors:ఒకప్పుడు ఏమోగానీ.. బాహుబలి తర్వాత టాలీవుడ్ పరిస్థితులు పూర్తిగా తారుమారయ్యాయి. తెలుగు హీరోల కోసం కోలీవుడ్, బాలీవుడ్ హీరోలు క్యూ కడుతున్నారు. ఇప్పటికే అటు, ఇటు అన్నట్టుగా దర్శకులు, హీరోలు సినిమాలు చేస్తున్నారు. ఇప్పుడీ జాబితాలో ఇంకొంత మంది చేరిపోయారు.
కోలీవుడ్ స్టార్ డైరెక్టర్ శంకర్ (shankar).. మన మెగా పవర్ స్టార్‌తో ‘గేమ్ ఛేంజర్’ అనే సినిమా చేస్తున్న సంగతి తెలిసిందే. నాగ చైతన్య లేటెస్ట్ ఫిల్మ్ ‘కస్డడీ’ దర్శకుడు కూడా తమిళ్ నుంచే వచ్చాడు. మానాడు లాంటి హిట్ మూవీ తీసిన వెంకట్ ప్రభు కస్టడీ సినిమాను తెరకెక్కించాడు. ఇక తెలుగు డైరెక్టర్స్ తమిళ్ హీరోలతో వరుస సినిమాలు చేస్తున్నారు. ఇప్పటికే వంశీ పైడిపల్లి.. తలపతి విజయ్‌తో ‘వారిసు’ సినిమా చేశాడు.
యంగ్ డైరెక్టర్ వెంకీ అట్లూరి (venky atluri).. హీరో ధనుష్‌కు సార్ మూవీతో సూపర్ హిట్ ఇచ్చాడు. అంతకుముందు జాతిరత్నం అనుదీప్ కెవి, కార్తికేయతో ప్రిన్స్ సినిమా చేశాడు. ఇప్పుడు మరికొంతమంది టాలీవుడ్ డైరెక్టర్లు కోలీవుడ్ హీరోలతో పనిచేసేందుకు రెడీ అవుతున్నారు. ఇప్పటికే శేఖర్ కమ్ముల.. ధనుష్‌తో ఓ సినిమా అనౌన్స్ చేసేశాడు. తెలుగుతో పాటు తమిళంలోనూ ఈ సినిమా తెరకెక్కకనుంది. ఇక గతేడాది కార్తికేయ-2తో మంచి విజయాన్ని అందుకున్న డైరెక్టర్ చందు మొండేటి.. నెక్స్ట్ సినిమా కోసం సూర్యను ట్రై చేస్తున్నారని తెలుస్తోంది. త్వరలోనే ఈ ప్రాజెక్ట్ అఫిషీయల్ అనౌన్స్మెంట్ వచ్చే ఛాన్స్ ఉందంటున్నారు. ఈ సినిమాను గీతా ఆర్ట్స్ సంస్థ నిర్మించనున్నట్లు టాలీవుడ్ వర్గాల సమాచారం.
పరశురామ్ కూడా కోలీవుడ్ స్టార్ కార్తీతో ఓ సినిమా చేసేందుకు ట్రై చేస్తున్నాడు. మరోసారి వెంకీ అట్లూరి.. మలయాళ స్టార్ దుల్కర్ సల్మాన్‌తో ఓ మూవీ ప్లాన్ చేస్తున్నట్టు తెలుస్తోంది. ఇక డైరెక్టర్ బాబీ అయితే ఏకంగా.. సూపర్ స్టార్ రజినీకాంత్‌తో భారీ ప్రాజెక్ట్ చేయనున్నాడని టాక్ నడుస్తోంది. ఈ లెక్కన మన డైరెక్టర్స్ అంతా కోలీవుడ్ హీరోల వెంటపడుతున్నారని చెప్పొచ్చు. దానికి కారణం కూడా లేకపోలేదు. టాలీవుడ్ టాప్ హీరోలంతా వరుస సినిమాలతో బిజీగా ఉన్నారు. ఇప్పట్లో వాళ్ల డేట్స్ దొరకడం కష్టమే. అందుకే మనోళ్లు తమిళ తంబీలతో సినిమాలు చేసేందుకు కసరత్తు చేస్తున్నారు.
