Tamil Nadu CM Stalin saw Jailer movie. Best wishes to the team.
Jailer: తమిళ సూపర్ స్టార్ రజనీకాంత్ (Rajinikanth)కు ఉన్న ఫ్యాన్ ఫాలోయింగ్ అంతా ఇంతా కాదు. తలైవా హీరోగా నటించిన తాజా చిత్రం జైలర్ (Jailer). నెల్సన్ దిలీప్‌కుమార్‌(Nelson Dileep Kumar) దర్శకత్వంలో తెరకెక్కిన ఈ చిత్రం గురువారం ప్రేక్షకుల ముందుకు వచ్చింది. మొదటి ఆట నుంచే ఈ సినిమా బాక్సాఫీస్‌ వద్ద సూపర్‌హిట్‌ టాక్‌ అందుకుంది. ఈ నేపథ్యంలో తమిళనాడు ముఖ్యమంత్రి స్టాలిన్ (Stalin) కూడా ఈ సినిమాను చూశారు. అనంతరం చిత్ర దర్శకుడితో మాట్లాడారు. ఇదే విషయాన్ని తెలియజేస్తూ నెల్సన్ ట్వీట్‌ చేశారు. జైలర్ ను వీక్షించిన ముఖ్యమంత్రి స్టాలిన్ సర్‌కు ధన్యవాదాలు. మీ ప్రశంసలు నాలో స్ఫూర్తి నింపాయి. చిత్రబృందం మొత్తం ఎంతో ఆనందంగా ఉంది అని పేర్కొన్నారు. సినిమా విజయం పట్ల మోహన్‌లాల్‌(Mohanlal), శివ రాజ్‌కుమార్‌(Shiva Raj kumar) ఆనందం వ్యక్తం చేశారు. సినిమాపై ప్రేక్షకులు చూపిస్తోన్న అభిమానానికి ధన్యవాదాలు చెప్పారు.
చదవండి:WhatsApp: వాట్సాప్‌ యూజర్లకు శుభవార్త..ఒకే యాప్‌లో రెండు అకౌంట్లు!
మాఫియా, ప్ర‌తీకార నేప‌థ్యం, కుటుంబ అంశాల మేళ‌వింపుగా రూపొందిన ఓ రిటైర్డ్ పోలీస్ అధికారి క‌థ ఇది. ముత్తు అలియాస్ ముత్తువేల్ పాండ్య‌న్ (రజనీకాంత్) అనే రిటైర్డ్ పోలీస్ అధికారి పాత్రలో రజనీ నటించారు. ఆయన సతీమణిగా రమ్యకృష్ణ కనిపించారు. శివరాజ్‌కుమార్‌, మోహన్‌లాల్‌, జాకీష్రాఫ్‌ కీలకపాత్రలు పోషించారు. ఈ చిత్రం ఆగస్టు 10న థియేటర్లో విడుదల అవగా ప్రేక్షకులు బ్రహ్మరథం పడుతున్నారు. గత కొన్నాళ్లుగా సరైన హిట్ లేని రజనీకాంత్‌కు జైలర్‌తో భారీ హిట్ వచ్చింది. దీంతో అభిమానులు సంతోషం వ్యక్తం చేస్తున్నారు.
చదవండి:AP CMO: డిజిటల్ సంతకాల ట్యాంపరింగ్ కేసులో ఐదుగురు అరెస్టు
