SSMB 29: మహేష్‌ బాబు, రాజమౌళి సినిమా ఓపెనింగ్ ఎప్పుడంటే?

SSMB 29: అదిగో, ఇదిగో అనడమే తప్ప.. ఇప్పటి వరకు రాజమౌళి నుంచి మాత్రం అధికారిక ప్రకటన రావడం లేదు. కానీ ఎప్పుడొచ్చిన అనౌన్స్మెంట్‌తోనే సెన్సేషన్ క్రియేట్ చేసేలా ప్లాన్ చేస్తున్నాడు రాజమౌళి. ప్రస్తుతం మహేష్ బాబు బాడీ బిల్డ్ చేసే పనిలో ఉన్నాడు. ఇప్పట్లో మహేష్ బాబు బయట కనిపించే అవకాశాలు లేవు. మహేష్‌ నయా లుక్‌ను చూడాలంటే సినిమా ఓపెనింగ్ వరకు వెయిట్ చేయాల్సిందే. అయితే.. ఎస్ఎస్ఎంబీ 29 ముహూర్త కారక్యక్రమం ఎప్పుడనేదే తేలకుండా ఉంది.

రాజమౌళి మాత్రం షూట్ త్వరలోనే మొదలవుతుందని, ఇంకా టైటిల్ నిర్ణయించలేదని చెబుతు వస్తున్నాడు. ఉంటే సమ్మర్‌లో గ్రాండ్‌గా లాంచ్ చేసే ఛాన్స్ ఉందని వినిపిస్తోంది. దాదాపుగా తెలుగు సంవత్సరాది అయిన ఉగాది పండుగ రోజున, ఏప్రిల్ 9న ఈ మూవీని అనౌన్స్ చేసే అవకాశాలు ఎక్కువగా ఉన్నాయంటున్నారు. ఒకవేళ ఇదే నిజమైతే.. మరో నెల రోజుల్లోనే బిగ్గెస్ట్ అనౌన్స్మెంట్ రానుందని చెప్పాలి. కానీ మరో వెర్షన్ ప్రకారం.. ఆగష్టు 9న మహేష్‌ బాబు బర్త్ డే నాడు ఓపెనింగ్ ఉండే ఛాన్స్ ఉందని అంటున్నారు.

కానీ ఎట్టి పరిస్థితుల్లోనే ఈ ఏడాదిలోనే ఈ భారీ ప్రాజెక్ట్‌ మొదలు పెట్టేలా కసరత్తులు చేస్తున్నాడు రాజమౌళి. ఇప్పటికే స్క్రిప్టు లాక్ చేసి.. ప్రీ ప్రొడక్షన్ వర్క్ స్టార్ట్ చేశాడు. అనౌన్స్మెంట్ రోజే టైటిల్‌తో పాటు స్టార్ట్ క్యాస్టింగ్ రివీల్ చేయనున్నారు. అలాగే.. ఎస్ఎసెఎంబీ 29 ఓపెనింగ్‌కు హాలీవుడ్ నుంచి దిగ్గజ దర్శకులను ఆహ్వానించే పనిలో ఉన్నారు. మొత్తంగా మహేష్‌, జక్కన్న ప్రాజెక్ట్ టైం దగ్గర పడినట్టే.