Srileela who rejected the star hero?
Srileela: కోలీవుడ్ స్టార్ హీరో దళపతి విజయ్ సినిమాలో ఛాన్స్ అంటే, హీరోయిన్లకు మామూలు విషయం కాదు. కానీ విజయ్‌ను శ్రీలీల రిజెక్ట్ చేసిందనే న్యూస్ హాట్ టాపిక్‌గా మారింది. అయితే.. దీనికి కారణం కూడా లేకపోలేదు. ప్రస్తుతం శ్రీలీల కెరీర్ హీరోయిన్‌గా పీక్స్‌లో ఉంది. కాకపోతే.. వరుస ఫ్లాప్స్ కారణంగా కాస్త గ్యాప్ ఇచ్చింది. కానీ ప్రజెంట్ భారీ ప్రాజెక్ట్స్ చర్చల దశలో ఉన్నాయి. మునుపటిలాగే.. ఒకేసారి వరుస సినిమాలు చేయడానికి పక్కా ప్లాన్ చేసుకుంటోంది అమ్మడు. ఏకంగా అజిత్‌ ‘గుడ్ బ్యాడ్ అగ్లీ’ సినిమాలో ఛాన్స్ కొట్టేసినట్టుగా చెబుతున్నారు. ఇందులో హీరోయిన్ పాత్రనో? లేదంటే కీలక పాత్రనో చేసే ఛాన్స్ ఉంది. కానీ విజయ్ సినిమాలో మాత్రం ఐటెం సాంగ్ అంటే ఎలా? అందుకే.. శ్రీలీల ఈ ఆఫర్‌ను రిజెక్ట్ చేసినట్టుగా తెలుస్తోంది.
చదవండి:Vijay Devarakonda: యుద్ధం నాతోనే.. విజయ్ దేవరకొండ సాలిడ్ ప్రాజక్ట్స్ అనౌన్స్!
ప్రస్తుతం వెంకట్ ప్రభు దర్శకత్వంలో ‘గేటెస్ట్ ఆఫ్ ఆల్ టైమ్’ అనే సినిమా చేస్తున్నాడు విజయ్. ఈ సినిమాలో స్పెషల్ సాంగ్ చేసేందుకు శ్రీలీలను సంప్రదించినట్టుగా గత కొద్ది రోజులుగా వార్తలు వైరల్ అవుతున్నాయి. తాజాగా ఈ యంగ్ బ్యూటీ ఈ ఆఫర్ తిరస్కరించినట్లు సమాచారం. హీరోయిన్‌గా కెరీర్ ఫుల్ స్వింగ్‌లో ఉన్నప్పుడు.. ఐటెం సాంగ్ చేస్తే రిస్క్ అని భావించి.. శ్రీలీల ఈ ఛాన్స్ వదులుకున్నట్టుగా చెబుతున్నారు. ప్రస్తుతం శ్రీలీల చేతిలో పవన్ కళ్యాణ్ ‘ఉస్తాద్ భగత్ సింగ్’ సినిమా మాత్రమే ఉంది. ఇది తప్ప తెలుగులో మరో ప్రాజెక్ట్ అనౌన్స్ చేయలేదు. కానీ తమిళ్‌లో మాత్రం భారీ ఆఫర్స్ వస్తున్నట్టుగా సమాచారం. ఏదేమైనా.. ఎప్పటికైనా శ్రీలీల ఒక ఐటెం సాంగ్ చేస్తుందేమో చూడాలి.
చదవండి:Gangs of Godavari: గ్యాంగ్స్ ఆఫ్ గోదావరి’ మళ్లీ వాయిదా.. కొత్త రిలీజ్ డేట్ ఇదే?
