టాలీవుడ్ డైరెక్టర్ వెంకీ అట్లూరి దర్శకత్వంలో ధనుష్ హీరోగా ‘సార్’ అనే సినిమా రూపొందింది. ఈ సినిమాను సూర్యదేవర నాగవంశీ, సాయి సౌజన్య సంయుక్తంగా నిర్మించారు. ఈ మూవీకి జీవీ ప్రకాశ్ కుమార్ మ్యూజిక్ అందించారు. సంయుక్త మీనన్ కథానాయికగా చేస్తోంది. ఈ సినిమాను తెలుగు, తమిళ భాషల్లో ఒకేసారి రూపొందించారు. తమిళంలో ఈ మూవీకి ‘వాతి’ అనే టైటిల్ పెట్టారు.
తాజాగా ఈ సినిమా ట్రైలర్‌ను కొంతసేపటి క్రితమే విడుదల చేశారు. తెలుగు వెర్షన్‌కి సంబంధించిన ఈ ట్రైలర్ అద్భుతంగా ఆకట్టుకుంటోంది. ప్రస్తుతం విద్యా వ్యవస్థలోని పరిస్థితులపై ఈ సినిమా కథ సాగుతుంది. ఒక లెక్చరర్ తిరుగుబాటు కథను ఈ సినిమాలో చూపించారు. ఉన్నత విద్య అనేది కొంత మందికి మాత్రమే అందుబాటులో ఉండటం వల్ల ఆ లెక్చరర్ చూపించే ఆవేశం, పోరాటం ఈ సినిమాలో కనిపిస్తుంది.
ట్రైలర్‌లో డైలాగ్స్ అద్భుతంగా ఆకట్టుకుంటున్నాయి. ఎడ్యుకేషన్‌లో వచ్చేంత డబ్బు పాలిటిక్స్‌లో కూడా రాదు, డబ్బు ఎలాగైనా సంపాదించుకోవచ్చు కానీ మర్యాద అనేది చదువు మాత్రమే సంపాదించి పెడుతుంది వంటి డైలాగ్స్ హైలెట్‌గా నిలిచాయి. ఈ సినిమాలో సముద్రఖని, నరేన్, సాయికుమార్ ముఖ్య పాత్రల్లో కనిపించారు. ఈ మూవీని ఫిబ్రవరి 17వ తేదిన విడుదల చేయనున్నట్లు చిత్ర యూనిట్ తెలిపింది.
