టాలీవుడ్ మోస్ట్ టాలెంటెడ్ యంగ్ హీరోల్లో శర్వానంద్(Sharwanand) కూడా ఒకడు. అయితే గత కొద్దికాలంగా సరైన విజయాలు అందుకోలేకపోతున్నాడు ఈ హీరో. గతేడాది వచ్చిన ‘ఆడవాళ్లు మీకు జోహార్లు’ మూవీతో ఏ మాత్రం ఆకట్టుకోలేకపోయాడు.కానీ ఆ తర్వాత చేసిన ‘ఒక ఒక జీవితం’ సినిమాతో మాత్రం పర్వాలేదనిపించుకున్నాడు. అలాగే.. ఇటీవలె రక్షిత రెడ్డిని పెళ్లి చేసుకొని వివాహ బంధంలోకి అడుగు పెట్టాడు శర్వానంద్. ప్రస్తుతం యంగ్ డైరెక్టర్ శ్రీరామ్ ఆదిత్యతో ఓ ప్రాజెక్ట్ చేస్తున్నాడు శర్వానంద్. ఇంకా టైటిల్ ఫిక్స్ చేయని ఈ సినిమా.. శర్వా కెరీర్లో 35వ సినిమా కానుంది.
చదవండి: BRO Movie: ‘బ్రో’ రన్ టైమ్ లీక్.. పవన్ కనిపించేది అన్ని నిమిషాలే?
ఇప్పటికే ఈ మూవీ అనౌన్స్ మెంట్ వీడియోని రిలీజ్ చేయగా.. స్టైలిష్ లుక్‌లో అదరిపోయేలా ఉన్నాడు శర్వానంద్(Sharwanand). ఈ సినిమా పీపుల్ మీడియా ఫాక్టరీ బ్యానర్ పై రూపొందుతోంది. ఇక ఈ సినిమా తర్వాత.. యూవీ బ్యానర్లో ఓ ప్రాజెక్ట్ చేయబోతున్నాడట శర్వానంద్. గతంలో యూవీ బ్యానర్లో శర్వా చేసిన సినిమాలు హిట్ అయ్యాయి. అందుకే మరోసారి యూవీ వారు శర్వాతో సక్సెస్ ట్రాక్ ఎక్కాలని చూస్తున్నారట. Loser సిరీస్‌ ఫేం అభిలాష్ రెడ్డి ఈ చిత్రాన్ని దర్శకత్వం వహించబోతున్నట్టు తెలుస్తోంది.
చదవండి: Mahesh babu: మహేష్ 3 నెలలు ట్రైనింగ్.. రాజమౌళిని తట్టుకుంటాడా?
ప్రస్తుతం సుధీర్‌ బాబు హీరోగా చేస్తున్న ‘మా నాన్న సూపర్ హీరో’ అనే సినిమాను తెరకెక్కిస్తున్నాడు అభిలాష్. ఈ చిత్రం పోస్ట్ ప్రొడక్షన్‌ దశలో ఉంది. ఈ సినిమా తర్వాత శర్వానంద్(Sharwanand) ప్రాజెక్ట్ ఉంటుందని సమాచారం. 90ల కాలం నాటి ఫ్యామిలీ బ్యాక్ డ్రాప్‌లో ఈ సినిమా ఉంటుందని టాక్ నడుస్తోంది. త్వరలోనే దీనిపై అఫిషీయల్ అనౌన్స్మెంట్ రానుందని అంటున్నారు.
