Ruhani Sharma: హిట్ మూవీ డైరెక్టర్ శైలేష్ కొలను దర్శకత్వంలో తన కెరీర్ 75వ ప్రాజెక్ట్‌గా సైంధవ్ సినిమా చేస్తున్నారు విక్టరీ వెంకటేష్. సంక్రాంతి కానుకగా జనవరి 13న సైంధవ్ విడుదల కానుంది. ఇప్పటికే ప్రమోషన్స్ స్టార్ట్ చేశారు మేకర్స్. ఇప్పటి వరకు ఈ సినిమా నుండి రిలీజైన ప్రమోషనల్ కంటెంట్‌కు సూపర్ రెస్పాన్స్ వచ్చింది. యూ/ఏ సర్టిఫికెట్‌తో రెండు గంటల 20 నిమిషాల రన్ టైంతో ఆడియెన్స్ ముందుకు రానుంది సైంధవ్. ఇప్పటికే ప్రమోషన్స్ ఓ రేంజ్‌లో చేస్తోంది చిత్ర యూనిట్. సైంటిఫిక్ థ్రిల్లర్‌గా తెరకెక్కిన ఈ మూవీని నిహారిక ఎంటర్‌టైన్‌మెంట్స్ బ్యానర్‌పై వెంకట్ బోయినపల్లి నిర్మించారు.
ఇది కూడా చూడండి: Waltair Veerayya 365 Days ఎక్కడో తెలుసా?
ఇందులో బాలీవుడ్ స్టార్ నవాజుద్దీన్ సిద్దిఖీ కీలక పాత్రను చేయగా.. సంతోష్ నారాయణన్ సంగీతం అందించారు. ఆండ్రియా, రుహానీ శర్మ, శ్రద్ధా శ్రీనాత్ కీలక పాత్రల్లో నటించారు. ఈ ముగ్గురిలోనే మన క్రికెటర్ విరాట్ కోహ్లీ మరదలు కూడా ఉంది. చి॥ల॥సౌ, హిట్ ఫస్ట్ కేస్ లాంటి చిత్రాల్లో నటించి తెలుగులో గుర్తింపు తెచ్చుకున్న రుహానీ శర్మ.. ‘సైంధవ్’లో ఓ కీలక పాత్రలో నటిస్తోంది. సైంధవ్ సినిమా ప్ర‌మోష‌న్స్‌లో భాగంగా రుహానీ శర్మ ఓ ఇంట్రెస్టింగ్ విషయాన్ని రివీల్ చేసింది. సైంధవ్ మూవీలో తాను డాక్ట‌ర్ రేణు పాత్రలో క‌నిపించ‌బోతున్నానని చెప్పుకొచ్చింది.
ఇది కూడా చూడండి: NTR: హ్యాపీ బర్త్ డే హృతిక్ సర్.. ఎన్టీఆర్ పోస్ట్ వైరల్!
ఈ సందర్భంగా.. మీకు అనుష్క శర్మ సిస్ట‌ర్ అవుతుందా? అని రుహాని శర్మను అడిగ్గా.. అవును అనుష్క నాకు అక్క అవుతుంది.. విరాట్ కోహ్లీ నాకు బావ అవుతాడు.. వారిద్దరు చాలా మంచిగా, నాతో నార్మ‌ల్‌గా ఉంటారు.. అందుకే వాళ్లంటే చాలా ఇష్టం.. అంటూ రుహానీ వెల్ల‌డించింది. ప్రస్తుతం ఈ కామెంట్స్ సోష‌ల్ మీడియాలో వైర‌ల్‌గా మారాయి.
ఇది కూడా చూడండి: Water Bottle: లీటర్ బాటిల్‌లో ఇన్ని లక్షల ప్లాస్టిక్ రేణువులా!
