Ram Charan.. Next solid lineup?
Ram Charan: చిరుత సినిమాతో చిరు తనయుడిగా అరంగేట్రం చేశాడు రామ్ చరణ్. అప్పుడు మెగాస్టార్ కొడుకు హీరోగా లాంచ్ అయ్యాడని అన్నారు. ఫస్ట్ సినిమాతో పర్వాలేదనిపించినా చరణ్.. సెకండ్ సినిమా మగధీరతో ఇండస్ట్రీ హిట్ ఇచ్చి మెగా పవర్ స్టార్‌గా అదరగొట్టేశాడు. ఇక్కడి నుంచి మెగాస్టార్ చిరంజీవి వారసుడు నుంచి రామ్ చరణ్ తండ్రి చిరంజీవి అనే స్థాయికి చేరుకున్నాడు. ఇక మగధీర తర్వాత చరణ్ చేసిన సినిమాలన్నీ కూడా దాదాపుగా అన్నీ కమర్షియల్‌గానే వచ్చాయి. దీంతో చరణ్ నుంచి అదిరిపోయే పర్ఫార్మెన్స్ చూడాలని వెయిట్ చేస్తున్న మెగాభిమానులకు.. పదేళ్ల తర్వాత వచ్చిన రంగస్థలం సినిమా చరణ్‌లోని కొత్త కోణం చూపించింది.
చదవండి:Anupama Parameshwaran: వంద మంది ముందు.. అలా చేయాలంటే చాలా ఇబ్బంది!
ఇక ఈ ఒక్క సినిమా చాలు.. చరణ్ ఎలాంటి నటుడో నిరూపించడానికి.. అనేలా చిట్టిబాబుగా అదరగొట్టేశాడు మెగా పవర్ స్టార్. రంగస్థలంతో విమర్శకులను సైతం ఫ్యాన్స్‌గా చేసుకున్నాడు. అక్కడి నుంచి నెక్స్ట్ లెవల్‌కి వెళ్లిపోయాడు చరణ్. ఇక 2022లో వచ్చిన ఆర్ఆర్ఆర్ సినిమాతో గ్లోబల్ రేంజ్ రీచ్ అందుకున్నాడు. అంతేకాదు.. ఇక్కడి నుంచి గ్లోబల్ స్టార్‌గా మారిపోయాడు. నెక్స్ట్ సినిమాలతో చరణ్ క్రేజ్ పీక్స్‌కు వెళ్లడం గ్యారెంటీ. ప్రస్తుతం శంకర్‌తో గేమ్ చేంజర్ సినిమా చేస్తున్నాడు చరణ్. ఈ సినిమా పై ఎక్కడా లేని అంచనాలున్నాయి. దీని తర్వాత బుచ్చిబాబుతో ఆర్సీ 16 చేస్తున్నాడు. ఆ తర్వాత మరోసారి సుకుమార్‌తో అంతకుమించి అనేలా ఆర్సీ 17 చేయబోతున్నాడు. ఇప్పటికే ఈ మూవీస్ అనౌన్స్ చేశారు. ఆ తర్వాత ప్రశాంత్ నీల్, లోకేష్ కనగరాజ్‌తో పాటు కొందరు బాలీవుడ్ డైరెక్టర్స్‌ లైన్లో ఉన్నారు. మొత్తంగా.. ఇక్కడి నుంచి గ్లోబల్ స్టార్ క్రేజ్ నెక్స్ట్ లెవల్‌కి వెళ్లడం గ్యారెంటీ.
చదవండి:Jaragandi: ఏ మారలేదు.. జరగండి.. జరగండి.. సాంగ్ పై మళ్లీ ట్రోలింగ్!
